Цалин хөлсөө нэмүүлэх асуудлыг багш, эмч нар удаа дараа шаардсаар байгаа. Хэд хэдэн удаа жагсаал зохион байгуулж, амьжиргаа түвшин шалдаа буусныг тэд зарласан. Хамгийн сүүлд Монголын Эрүүл мэндийн ажилтны үйлдвэрчний эвлэлийн холбоо энэ сарын 8-нд жагсаал зохион байгуулж, Засгийн газар, Ерөнхий сайд, Эрүүл мэндийн яаманд хандан шаардлага хүргүүлсэн юм.
Шаардлагад:
- Эрүүл мэндийн салбарын ажилтны цалинг энэ оны хоёрдугаар улиралд багтаан 50-иас доошгүй хувиар нэмэгдүүлэх
- Сувилагчдыг төрөөс дэмжиж, нийгмийн хамгаалал, хүний нөөцийг тогтоох, хүний нөөцийн стандартын дагуу ажиллахад шаардагдах хөрөнгийг 2019 оны төсөвт тусгах
- Эрүүл мэндийн салбарын ажилтны үр дүнгийн мөнгөн урамшууллыг 60 хувьд хүргэх
- Өрхийн эрүүл мэндийн төвүүдийн эмч, ажилтнуудын томуугийн дэгдэлтийн үед ажилласан илүү цагийн хөлсийг олгох гэж бичсэн байгаа.
Энэхүү шаардлагыг ажлын гурав хоногт багтаан шийдвэрлэхгүй бол ажил хаялт зарлана хэмээсэн. Албан ёсны ажил хаялтаа сувлигчдыэ баярын өдрөөр буюу маргаашнаас эхлүүлэхээ ч мэдэгдсэн билээ. Тэгвэл өнөөдрөөс эхлэн Эрүүл мэндийн салбарт шударга үнэлэмж тогтоохыг дахин шаардаж ажилхаялтын өмнөх суулт хийхээр болжээ. Тодруулбал, төв талбай дээр өглөөний 09.00-10.00 цагийн хооронд хийх юм байна.
Сэтгэгдэл (7)