Дэлхий нийтийн чиг хандлага дижитал шилжилт рүү чиглэж байгаа өнөө үед технологийн дэвшил ашиглан төрийн үйлчилгээг бүрэн автоматжуулах шаардлага үүсээд байгаа. Тиймээс мэдээлэл технологийн салбарынхан уг үйл ажиллагааг эхлүүлсэн билээ. Өөрөөр хэлбэл, Мэдээлэл холбооны оперуудын ассоциаци байгуулсан. Тус байгууллага нь Монгол Улсын хөгжил дэвшил, эдийн засгийн өсөлтөд мэдээлэл, харилцаа холбооны салбарын оролцоо, бодиттой хувь нэмрийг оруулах, салбарынхаа өсөлт, тогтвортой хөгжлийг бусад салбарын хөгжил, нийгэм, эдийн засаг, төрийн бодлоготой уялдуулах зорилготой.
Үүнээс гадна төр засгийн болон бодлого зохицуулалтын байгууллагуудтай үр ашигтай хамтран ажиллах, гишүүдийн хууль ёсны нийтлэг эрх ашгийг хамгаалах ажиллах, хамтын шийдвэрийг дээдлэх зарчмыг тунхаглажээ.
Энэхүү ассоциацид МЦХ, Мобиком, Скайтел, Юнител, Мэдээлэл холбооны сүлжээ, Скайнетворкс, Мобиком нетворкс зэрэг Монгол Улсын Харилцаа холбоо, мэдээллийн технологийн салбарт үйлчилгээ эрхлэгч компаниуд өнөөдөр нэгдлээ.
Тус системд хувийн байгууллагууд ч холбогдох боломжтой бөгөөд энэ нь иргэдэд төрийн болон бусад үйлчилгээний байгууллагуудаас үйлчилгээ авахад аливаа хүндрэл үүсдэг асуудлыг шийдэх боломжтой юм байна. Ерөнхийдөө төрийн үйлчилгээг хялбаршуулж, иргэдэд цахим хүргэх нь гол зорилго гэж тодорхойлсон аж. Тиймээс үндэсний дата төвийн инженерүүд хөгжүүлэлтийг нь хийсэн “ХУР” системийг үйлчилгээнд нэвтрүүлжээ.
Ийнхүү өнөөдөр дээрх системд нэгдсэн батламжийг Мэдээллийн технологийн газраас үүрэн телефоны болон мэдээллитйн технологийн салбарт үйл ажиллагаа явуулдаг компаниудад гардууллаа. Дээрх батламжийг гардсанаар иргэд ямар нэгэн хүндрэлгүйгээр дээрх салбаруудаар үйлчлүүлэх боломж бүрдэж байгаа юм байна.
