НҮБ-ын Дүрвэгсдийн асуудал эрхэлсэн дээд комиссар Пакистан, Туркийн Засгийн газарт хандаж, олон улсын хэм хэмжээ, турк багш Месүт Какмазад гаргасан хүний эрхийг зөрчсөн бүдүүлэг зөрчлөө залруулахыг шаардсан байна.    

Пакистан дахь Пакистан-Туркийн хамтарсан сургуульд багшилдаг Месүт Какмазыг тус улсын эрх баригчид өнгөрсөн оны есдүгээр сард гэрээс нь баривчилж хорин улмаар улсаасаа албадан гаргах шийдвэр гаргасан байдаг. Тэдний гэрийн гадаа дугааргүй машинтай хүмүүс ирж зогсоод гэрээс нь хүчээр авч гарахыг хөршүүд нь харсан байдаг аж. Хууль сахиулагчид улмаар Месүт Какмазыг хууль ёсны шаардлага тавихад биелүүлээгүй, эсэргүүцэл үзүүлсэн хэмээн хорихоор заналхийлж, хоёр хоногийн дараа дээд шүүхээр оруулан эхнэр, хоёр охиных нь хамт Пакистанаас албадан гаргаж, Турк рүү буцаахаар шийдвэрлэсэн байдаг аж.

НҮБ-аас энэ анхаарал тавих болсны учир нь Турк улс, Ерөнхийлөгч Эрдоган нь Төрийн эргэлт хийхийг оролдсон хэрэгт холбогдуулан хилийн чанад дахь бизнесмэнүүдийг мөрдөж, тухайн улсынх нь хуулийн байгууллагаар дарамтлуулсан гэж үзсэнийх юм байна.

Месүт Какмаз нь Пакистан-Туркийн хамтарсан сургуульд багшилдаг байсан. Турктэй хамтарсан ийм сургуулиуд дэлхийд олон бий. Гэвч сүүлийн үед дэлхийн өнцөг булан бүрт байгаа эдгээр сургуулиудын үйл ажиллагаанд хууль бусаар нөлөөлөх гэсэн оролдлого явсаар байгаагийн цаана Р.Эрдоганы сонирхол явж байхыг ч үгүйсгэхээргүй байна. Манай улсад ч Турктэй хамтарсан сургууль байсан ч саяхан эзэмшигч нь өөрчлөгдсөн. Хэрвээ энэ нь Туркийн шахалтаар болсон, энд байсан Турк багш нар нутагтаа очоод асуудалд орвол Монгол Улсын нэр хүнд НҮБ хийгээд дэлхийн олон нийтийн өмнө унаж мэдэхээр байна.   

.