Архангай аймаг- Долдугаар сарын 19-20-ны өдөр болно.
Баян-Өлгий аймаг- Дэлүүн сумын харьяат бөх Төлекийн Ерболат түрүүлж аймгийн арслан цол хүртсэн бол Цэнгэл сумын харьяат, аймгийн заан М.Аманбек үзүүрлэж заан цолоо баталжээ.
Баянхонгор аймаг- Баян-Өндөр сумын харьяат, аймгийн заан М.Батцэнгэл түрүүлж аймгийн арслан цолонд хүртсэн бол үзүүрт Өлзийт сумын харьяат, аймгийн начин Э.Амгаланбаатар аймгийн заан цол хүртжээ.
Булган аймаг- Долдугаар сарын 27-29-нд болно.
Говь-Алтай аймаг- Төгрөг сумын харьяат сумын заан Д.Эрдэнэтулга түрүүлж аймгийн арслан цол хүртсэн бол Цээл сумын харьяат аймгийн начин Х.Ариунбаатар үзүүрлэж аймгийн заан цол хүртжээ.
Говьсүмбэр аймаг- Дорноговь аймгийн Айраг сумын харьяат "Хилчин" спорт хорооны бөх аймгийн заан М.Бямбадорж найм даван түрүүлж, аймгийн арслан цол хүртэж, Ховд аймгийн Зэрэг сумын харьяат сумын заан Ж.Жавхлан үзүүрлэж аймгийн заан цол хүртжээ.
Дархан-Уул аймаг- Аймгийн арслан С.Очирбат түрүүлж хурц арслан цол хүртэж, аймгийн арслан С.Ерөөлт үзүүрлэжээ.
Дорноговь аймаг- Долдугаар сарын 28-29-ний өдрүүдэд болно.
Дорнод аймаг- Халхгол сумын харьяат аймгийн нэмэх начин Б.Батдорж түрүүлж аймгийн арслан цол хүртэж, Баян-Уул сумын харьяат аймгийн начин Г.Төрболд үзүүрлэж аймгийн заан цол хүртжээ.
Дундговь аймаг- Эрдэнэдалай сумын харьяат, аймгийн арслан Д.Дэлгэрбат түрүүлж хурц чимэг нэмж, сумын заан Б.Наранбаяр үзүүрлэж аймгийн заан цол хүртжээ.
Завхан аймаг- Завхан аймгийн Ургамал сумын харьяат чөлөөт бөхийн ОУХМ, аймгийн заан Өсөхбаатар найм даван түрүүлж, аймгийн арслан, Яруу сумын харьяат аймгийн харцага Лхагвагэрэл үзүүрлэж, аймгийн заан цол тус тус хүртлээ.
Орхон аймаг- Архангай аймгийн Батцэнгэл сумын харьяат, аймгийн заан Б.Зоригтбаатар түрүүлж аймгийн арслан цол хүртсэн бол Булган аймгийн Тэшиг сумын харьяат аймгийн харцага О.Мөнх-Ирээдүй үзүүрлэжээ.
Өвөрхангай аймаг- Хархорин сумын харьяат, аймгийн харцага О.Наранбаатар түрүүлж аймгийн арслан цол хүртсэн бол Баян-Өндөр сумын харьяат аймгийн арслан Т.Ядамсүрэн үзүүрлэжээ.
Өмнөговь аймаг- Мандал-Овоо сумын харьяат аймгийн заан Б.Амгаланбаатар түрүүлж аймгийн арслан цол хүртэж, хурц арслан Шоовдорын Дарханбат үзүүрлэжээ.
Сүхбаатар аймаг- Онгон сумын харьяат аймгийн харцага Н.Өсөхбаяр түрүүлж аймгийн арслан цол хүртэж, Дарьганга сумын харьяат аймгийн аймгийн харцага М.Гансүх үзүүрлэжээ.
Сэлэнгэ аймаг- Цагааннуур сумын харьяат “Таван хан” дэвжээний бөх сумын заан Б.Орхонбаяр түрүүлж аймгийн арслан, Мандал сумын харьяат, аймгийн харцага О.Энхжаргал үзүүрлэж аймгийн заан цолтон болжээ.
Төв аймаг- Төв аймгийн Баянчандмань сумын харьяат Дүнжингарав дэвжээний бөх аймгийн арслан Э.Ууганбаяр найм даван түрүүлж хурц чимэг хүртжээ.
Увс аймаг- Увс аймаг Тэс сумын харьяат аймгийн заан Ж.Ням-Эрдэнэ найм даван түрүүлж аймгийн арслан цол, Увс аймгийн Зүүнговь сумын харьяат аймгийн заан Т.Хайдав долоо даван үзүүрлэж заан цолоо баталжээ.
Ховд аймаг- Алтай сумын харьяат аймгийн заан Г.Хишигбат түрүүлж аймгийн арслан цол, Үенч сумын харьяат, аймгийн начин Б.Уртнасан үзүүрлэж аймгийн заан цол хүртжээ.
Хөвсгөл аймаг- Бүрэнтогтох сумын харьяат аймгийн арслан Э.Баасанжав түрүүлж, Шинэ-Идэр сумын харьяат бөх Х.Бөхбаяр үзүүрлэжээ.
Хэнтий аймаг- Хэнтий аймгийн Дэлгэрхаан сумын уугуул аймгийн харцага Д.Аззаяа түрүүлж аймгийн арслан цол хүртэж, Цэнхэрмандал сумын харьяат аймгийн начин Б.Мандалбат үзүүрлэжээ.
Л.Сайнбаяр