Ази тивийн хамгийн том тулааны холбоо ONE CHAMPIONSHIP- ийн дэвжээнд Ж.Нарантунгалаг гавьяатын гаргасан жимээр дараагийн Монгол тулаанчид эх орныхоо нэрийг мандуулахаар Сингапурт очоод байна.
Энэ удаа ONE WARRIOR SERIES-т тулалдахаар манай хоёр тулаанч сонгогдсон бөгөөд тэдний тулаан долдугаар сарын 19-ний үдэш болох аж.
Эхлээд манай тулаанч Золжаргалын Шинэчагтаг Японы Акури Ронда-тай хүч үзнэ.Акури Ронда 1989 онд төрсөн 170 см өндөртэй 65 кг жинтэй бөгөөд ММА-д нийт зургаан тулаан хийхдээ тав ялж, нэг ялагдсан амжилттай ажээ.Тэгвэл Золжаргалын Шинэчагтаг нь ММА-д зургаа ялж, нэг ялагдсан амжилттай бөгөөд тэрээр 2017 онд Улаанбаатар хотноо зохиогдсон “MGL Fight Night” тулааны аварга билээ.Мөн тэрээр “Мастер тулаанч” холимог тулааны шоуны 65 кг жинд ялагч болсон амжилттай.
Энэ үдэш тулалдах манай дараагийн тулаанч Энхтайваны Даваабаяр одоогоор ММА-д гурав ялж, нэг ялагдсан амжилттай бөгөөд тэрээр хамгийн сүүлд өнгөрсөн даравдүгээр сард Улаанбаатар хотод зохиогдсон “MGL-1 Fight Night 2” тулаанд Б.Энх-Оргилтой тулалдаж шүүгчдийн саналаар ялагдсан юм. Энэ үдэш тэрээр Америк гаралтай Тайландын Pattaya дэвжээний нэр дээр тулалддаг Жошуа “Deadshot” Хардвиктэй тулалдана.Жошуа Хардвик нь одоогоор ММА-д гурав ялж, нэг ялагдсан амжилттай бөгөөд тэрээр хамгийн сүүлд өнгөрөгч гуравдугаар сард “ONE WARRIOR SERIES”-т тулалдаж ялалт байгуулаад байгаа ажээ.
Тулаан Пүрэв гарагийн 16:00 цагаас “SPS Тулаан” сувгаар гарах юм байна.
Л.Сайнбаяр
