Тайландын өсвөрийн  хөл бөмбөгийн баг, дасгалжуулагчийн хамт үерлэсэн агуйгаас гайхамшигаар аврагдсан тухайгаа мэдэгдэж, тэднийг аварсан мэргэжилтнүүдэд талархал илэрхийллээ.

Тэд агуйгаас аврагдсанаас хойш анх удаа олон нийттэй болсон үйл явдлын тухай болон дэлхий ертөнцийг төсөөлж байсан дурсамжуудаа хуваалцжээ.  Хөвгүүд хэвлэлийн бага хуралд оролцохдоо дасгалжуулагчтайгаа адилхан хослолоор ижилссэн байна.

Хөл бөмбөгийн багийн гишүүд өөрсдийнхөө хоч нэрээс эхлээд,тоглолтонд ямар үүрэгтэй оролцдог зэрэг олон сонирхолтой яриаг өрнүүлжээ.

Мөн хөвгүүдтэй хамт  Тайландын тэнгисийн цэргийн далайн аврах ажилтнууд болон эмнэлгийнхэн оролцжээ.  Тэднийг энэ сарын 10-ны өдөр агуйгаас аварсан юм.

Дасгалжуулагч Аке агуйд болсон үйл явдлын талаар ярихдаа "Би усны эх үүсвэрээс хол байх нь дээр гэж хэлсэн” гэж ярьж байв. Мөн тэрбээ  “Бид айгаагүй харин усны түвшин маргааш өдөр нь багасна гэж итгэж байсан. Гэвч усны түвшин өссөөр байсан” гэв.

Аке бүгдийг нь тайван байлгах гэж хичээж байсан бөгөөд Британий шумбагч нар гадаргууг эвдэн орж ирэх үед Адун маш их цочирдон "Би үнэхээр гайхалтай зүйл гэж бодож байсан, юу хийхээ мэдэхгүй байсан” гэж ярив.

Б.Цэрэнлхам