Монголын Шинкиокушинкай Каратегийн холбооноосөнөөдөр хэвлэлийн бага хурал хийлээ.
Манай улс 2014 онд WKO Shinkyokushinkai байгууллагын гишүүн орноор элсчээ. Шинкиокушинкай бол хүүхдийн хүмүүжил, тэсвэр тэвчээр, дэг жаяг, сэтгэл зүйд өндөр нөлөө үзүүлдэг урлаг аж.
Одоогийн байдлаар хот, хөдөө орон нутагт 15 салбар клуб, 260 гаруй тамирчид тогтмол хичээллэж олон улсын томоохон тэмцээнүүдэд амжилтүзүүлээд байна.
Тодруулбал, 2016 онд Казакстан улсын Астана хотноо зохион байгуулагдсан "Астана кап" олон улсын тэмцээнээс тамирчин Т.Баярхүү мөнгөн медаль, мөн тухайн оны 8-р сард Япон улсын Токио хотноо болсон "Каратэ Дрийм" олон улсын тэмцээнд тамирчин Э.Буянбат алтан медаль хүртэсэн зэрэг амжилт үзүүлжээ. Мөн олон улсын цугларалт сургалтанд манай тамирчид тогтмол амжилттай хамрагдаж сүүлийн 2 жилийн дотор 11 тамирчин дэлхийн шинкиокушинкай каратэгийн холбооны мастер, хар бүс 1-р дан цолыг авсан бол Монгол дахь салбарын дарга Б.Гомбогэрэл багш мастерын хар бүс 3-р дан цол хүртлээ.
Дэлхийн Шинкиокушинкай Каратегийн байгууллагаас зохион байгуулсан дэлхийн аварга шалгаруулах тэмцээн нь дөрвөн жилд нэг удаа зохион байгууллагддаг бөгөөд гишүүн орон бүхнээс шилдэгүүд хүч чадлаа сорьдог байна.
Б.Цэрэнлхам
