Насанд хүрэгчдийн Дэлхийн аварга шалгаруулах тэмцээн аравдугаар сарын 20-28-нд Унгарын нийслэл Будапештэд болно. Эрэгтэйчүүдийн 51, эмэгтэйчүүдийн 30 дахь удаагийн тэмцээнд оролцох Монгол Улсын баг тамирчдын нэрс тодорлоо. Монголын чөлөөт бөхийн холбоо ДАШТ-д оролцох баг тамирчдаа сонгох “Сорилго” тэмцээнийг өнгөрсөн амрын өдрүүдэд зохион байгууллаа. “Хасу-Мегаватт” компанийн “Эко” цогцолбор болон Спортын төв ордонд болсон юм. Эхний өдөр тойргийн барилдаанд эрэгтэйчүүд чансааны хоёроос долоо, эмэгтэйчүүд хоёроос дөрөвдүгээр байрт багтсан тамирчид тойргоор барилдаж, ялагч нь халз барилдаанд өрсөлдөв.

ШИГШЭЭ БАРИЛДААНЫ ҮР ДҮН:
 

ЭРЭГТЭЙЧҮҮД

57 КГ: Эрдэнэбатын Бэхбаяр (Хангарьд) - Занданбудын Занабазар (Арслан) 2:0 (10:0, 10:0)
 

61 КГ: Түмэнбилэгийн Түвшинтулга (Аваргууд) - Гансүхийн Отгонбаатар (Аваргууд) 2:1 (6:6, 11:0, 10:3)
 

65 КГ: Батчулууны Батмагнай (Алдар) - Төмөр-Очирын Тулга (Арслан) 1:2 (1:2, 1:1, 4:5)
 

70 КГ: Санжаагийн Ганбаяр (Мэргэд хангай) - Бат-Эрдэнийн Бямбадорж (Алдар) 0:2 (0:11, 6:9)
 

74 КГ: Ганзоригийн Мандахнаран (Алдар) - Гантулгын Идэрхүү (Аваргууд) 2:0 (13:5, 11:2 барилдахаас татгалзсан)

79 КГ: Ганболдын Төрболд (Женко) - Пүрэвжавын Өнөрбат (Хасу-Мегастарс) 0:2 (1:5, 0:7)
 

86 КГ: Оргодолын Үйтүмэн (Алдар) - Баатарын Нямбаяр (Аврагч) 2:0 (15:4, 4:1 цэвэр ялсан)
 

92 КГ: Лувсандоржийн Төртогтох (Арслан) - Баасанцогтын Өлзийсайхан (Хасу-Мегастарс) 2:0 (4:3, 6:6)
 

97 КГ: Өлзийсайханы Батзул (Аврагч) - Пүрвээгийн Өсөхбаатар (Хилчин) 2:1 (6:1, 6:6, 9:1)
 

125 КГ: Нацагсүрэнгийн Золбоо (Хүч) - Мөнхтөрийн Лхагвагэрэл (Аварга) 2:0 (7:2, 2:1)

ЭМЭГТЭЙЧҮҮД

50 КГ: Эрдэнэсүхийн Нарангэрэл (Хангарьд) - Цог-Очирын Намуунцэцэг (Хасу-Мегастарс) 2:1 (2:9, 4:2, 6:5)
 

53 КГ: Эрдэнэчимэгийн Сумъяа (Хилчин) - Буяндалайн Чимгээ (Хангарьд) 2:0 (4:0 цэвэр ялсан, 8:0 цэвэр ялсан)
 

55 КГ: Эрхэмбаярын Даваачимэг (Хилчин) - Баяраагийн Халиунаа (Ирээдүйн одод)  2:0 (4:0 цэвэр ялсан, 6:3)
 

57 КГ: Алтанцэцэгийн Батцэцэг (Хасу-Мегастарс) - Сүхээгийн Цэрэнчимэд (Алдар) 2:0 (6:1, 4:4 цэвэр ялсан)

59 КГ:  Баатаржавын Шоовдор (Хасу-Мегастарс) - Өлзийсайханы Пүрэвсүрэн (Женко) 2:0 (10:0, 8:2)
 

62 КГ: Пүрэвдоржийн Орхон (Алдар) - Соронзонболдын Батцэцэг (Хилчин) 2:0 (12:0, 15:2)

65 КГ: Энхбаярын Цэвэгмид (Алдар) - Хүрэлхүүгийн Болортуяа (Аврагч) 0:2 (4:14, 3:7)
 

68 КГ: Шархүүгийн Түмэнцэцэг (Хилчин) - Энх-Амарын Даваанасан (Алдар) 2:0 (2:9, 12:2)
 

72 КГ: Очирбатын Насанбурмаа (Женко) - Пүрвээгийн Номин-Эрдэнэ (Алдар) 2:0 (9:0, 10:0)
 

76 КГ: Ганбатын Ариунжаргал (Алдар) - Гилэгжамцын Наранчимэг (Хилчин) 0:2 (0:2, 2:8 цэвэр ялсан) тус тус ялалт байгуулж Монгол Улсаа төлөөлөх эрхтэй боллоо. Үзэгчдийн хамгийн их сонирхож байсан барилдаан эмэгтэйчүүдийн 62 кг-д Монгол Улсын хөдөлмөрийн баатар, гавьяат тамирчин С.Батцэцэг болон гавьяат тамирчин П.Орхон нарын барилдаан байлаа. Уг барилдаанд П.Орхон өрсөлдөгчөө 2:0 харьцаатай илт давуу яллаа. Хоёр бөхийн хувьд нийт 8 удаа таарч барилдсанаас П.Орхон 7 ялж 1 ялагдсан үзүүлэлтээр илүүрхэж байна. Мөн эмэгтэйчүүдийн 57 кг-д барилдсан гавьяат тамирчин С.Цэрэнчимэд өрсөлдөгч бөхдөө 2:0 харьцаатай хожигдсон нь онцлох барилдааны нэг байлаа. ДАШТ-д оролцох “Эрх олгох сорилго” тэмцээний эрэгтэйчүүдийн 70 кг хүч үзсэн С.Ганбаяр зодог тайлж буйгаа мэдэгдсэн юм.

С.Нацаг