“Байдраг нутаг усаа хамгаалъя” ТТБ-өөс өнөөдөр мэдээлэл хийлээ. Тус байгууллагаас сүүлийн үед Баянхонгор аймагт алт олборлох нь ихэсч байгаа талаар ярьсан юм. Мөн Баянхонгор аймгийн Жаргалант суманд хууль бус үйл ажиллагаа явуулдаг хоёроос гурван компани байдаг байна.

Эдгээр уул уурхайн компаниуд нь  алт олборлох үйл ажиллагаа явуулдаг ч нөхөн сэргээх ажил хийдэггүй. Учир нь Баянхонгор аймгийн Засаг даргын ивээлд байдаг учраас ямар ч арга хэмжээ авдаггүй гэж ярьлаа.

Мөн уул уурхайн компаниуд тус нутгийнхны ундны усны эх үүсвэр болсон голыг бохирдуулж байгаа талаар онцолж байна. Тодруулбал, Мандал, Байдраг зэрэг таван сумыг ундаалдаг гол бохирдсон гэв.

Тэдний зүгээс тэдгээр уул уурхайн компаниудын хууль бус үйл ажиллагааг таслан зогсоохыг хүсч байгаа юм.  Түүнчлэн удаа дараа аймгийн холбогдох газруудад шаардлага гаргаж өгсөн боловч арга хэмжээ авч чадаагүй аж.

Баянхонгор аймгийн чацаргана тариалдаг нутаг дэвсгэрт мөн алт олборлож байгаа талаар ярьсан юм. Тиймээс “Байдраг нутаг усаа хамгаалъя” ТТБ нутаг усаа хамгаалах зорилгоор БОАЖ-ын сайд Н.Цэрэнбатад шаардлага хүргүүлэхээр болжээ.

Б.Лхам