Хан-Уул дүүргийн III хороонд байрлах ЕБ-ын гадаад хэлний гүнзгийрүүлсэн сургалттай 18 дугаар  сургуулийн Эцэг, эхийн зөвлөлөөс мэдээлэл хийлээ.

Тэд тус сургуулийн өмнөх удирдлага Х.Чинбатыг эсэргүүцэж байгаагаа хурлын үеэр онцолж байна. Тодруулбал, Х.Чинбат нь 2014-2017 он хүртэлх сургуулийг удирдаж байсан бөгөөд гадаад хэлний ямар ч мэдлэггүй, зураг дүрслэлийн багш мэргэжилтэй аж. Түүнчлэн энэ хугацаандаа хэд хэдэн зөрчил гаргаж, сургуулийн тогтвортой байдлыг алдагдуулж байсан тухай дурдлаа.

Тухайлбал, сурагчдын үдийн цай хөтөлбөрийн мөнгө болон биеийн тамирын заалыг албан байгууллагуудад түрээслэн мөнгийг нь хувьдаа завшдаг байсан. Мөн ойр дотныхоо хүнээс сургуулийн тохижилтын эд материалыг зөөдөг, их хэмжээний мөнгө нягтлан бодогчоороо шүлжүүлүүлдэг байсан зэрэг хэд хэдэн асуудлын тухай тус сургуульд 22 жил нягтлан бодогчоор ажилласан М.Цэвэгээ ярьлаа.

Мөн тэрбээр цааш ярихдаа “Ийм дутагдал, ашиг сонирхлын зөрчилтэй хүнийг Нийслэлийн боловсролын газрын дарга, Нийслэийн Засаг дарга нар дахин томилох гээд бэлтгэж байгаад гайхаж байна. Миний дурдаж байгаа зүйлийн баримтууд байгаа. Түүнчлэн УПЕГ, Цагдаагийн газар, дүүргийн аудитын газарт энэ хүн шалгагдаж байгаа. Шалгалтын эцсийн үр дүн дуусаагүй юм. Тэгтэл Нийслэлийн боловсролын газрын дарга ажилд оруулахаар бэлэн болгосон гэсэн” гэв.

Шүүхээс ганц талыг харан дүгнэлтээ гаргасан гэж тэд үзэж байна. Өөрөөр хэлбэл Х.Чинбат нь боловсролын газрын шалгалтаар 43 зөрчлөөр буруутгагдан 2017 оны дөрөвдүгээр сард ажилаас чөлөөлөгдөж байжээ.

Харин шүүхээс биеийн тамирын заалны мөнгийг хувьдаа завшсан хэмээн дүгнэж төлүүлэн, ажилдаа буцаад орох ёстой гэж үзжээ.

Хан-Уул дүүргийн 18 дугаар сургуулийн Эцэг,эхийн зөвлөлөөс Нийслэлийн Засаг даргыг дээрх асуудалд ул суурьтай хандан, шийдэж өгөхийг шаардаж байгаа юм. 

Одоо байгаа захирал н.Оюунцэцэг гэх хүн байдаг гэнэ. Тэрбээр ажилдаа мэргэшсэн, салбараа мэддэг хүн учраас түүнийг үргэлжлүүлэн сургуулийг удирдаж, бодлогоо үргэлжлүүлэн хэрэгжүүлж, ирээдүйгээ чадварлаг боловсон хүчин болгоход ажиллахыг хүсч, дарамт шахалтыг зогсоохыг боловсролын байгууллагын удирдлагуудад анхааруулаад байна.

Б.Лхам