Сүхбаатар дүүргийн аварга шалгаруулах Иргэдийн спортын YII наадам өнгөрөгч амралтын өдөр Спорт явган аялалын тэмцээнээр эхэллээ. Спортын найман төрлөөр зохион байгуулагдах уг тэмцээний спорт явган аялалын төрөлд 15 хорооны 195 тамирчин ур чадвар, авхаалж самбаагаа сорин өрсөлдөж байна. Баг, тамирчид 71 дүгээр сургууль, Сэлхийн ам гэсэн маршрутаар явж Сэлхийн аманд отголон аялалын явц, цуваа багийн сахилга, зохион байгуулалт, багийн хувийн бэлтгэл, галын болон отгийн ариун цэвэр, эко байдал, эмийн сан, газрын зураг дээр ажиллах, нуувч илрүүлэх, хөгжилтэй буухиагаар өрсөлдөж аваргаа тодрууллаа.

Тэмцээний багийн дүнгээр, нэгдүгээр байрт С.Гэрэлмаа ахлагчтай 14 дүгээр хорооны баг тамирчид, хоёрдугаар байрт Ц.Цогт-Од ахлагчтай 18 дугаар хорооны баг тамичид,  гуравдугаар байрт Г.Энхцэцэг ахлагчтай 16 дугаар хорооны баг тамирчид тус тус шалгарчээ.

Спорт явган аялалын төрөлд тэргүүн байр эзэлсэн 14 дүгээр хорооны баг тамирчид ирэх есдүгээр сард Чингэлтэй хайрханд зохион байгуулагдах нийслэлийн Иргэдийн спортын YII их наадмын аварга шалгаруулах тэмцээнд оролцох эрхээ авсан байна.