УИХ-ын гишүүн Н.Номтойбаяр Боловсролын салбарын багш ажилчидтай өнөөдөр буюу 09 дүгээр сарын 03-ны өдөр Дорнод аймгийн Алтангадас одонт Хөгжимт драммын театрт уулзалт зохион байгууллаа.

Уулзалтад тус аймгийн удирдлагууд, холбогдох агентлагийн дарга нар оролцож, багш нарт тулгамдаж буй асуудлын талаар санал бодлоо солилцлоо.

УИХ-ын гишүүн Н.Номтойбаярын санаачилгаар уг аймгийн Засаг дарга, Засаг даргын дэргэдэх холбогдох агентлагуудын дэмжлэгтэйгээр Төрийн албан хаагчдын нийгмийн баталгааг хангах, амжиргааг дээшлүүлэх зорилгоор өндөр хүүтэй банкны зээлийн хүүг тэглэх, төрийн албан хаагчдын цалингийн зээлийг хүүгүйгээр олгох ажлыг шат дараатайгаар эхлүүлж байна.

Тус ажлын хүрээнд цалингийн шатлал хамгийн бага, ажлын ачаалал ихтэй багш, сурган хүмүүжүүлэгч нараас эхэлж цалингийн зээлийн хүүг тэглэх бөгөөд дараагийн ээлжинд эмч, эрүүл мэндийн салбарын ажилчид болон бусад төрийн албан хаагчид хамрагдах юм.

Түүнчлэн сургууль, цэцэрлэг тус бүр ТББ байгуулж, удирдах зөвлөлөө сонгож, амжиргааны түвшин, гэр бүлийн гишүүдийн биеийн эрүүл мэндийн байдал зэргийг харгалзан үзэж, эрэмблэн, тухайн ТББ-ын нэр дээр Хас банкинд үүссэн мөнгөн хуримтлалаас ээлж дараалан цалингийн зээлийг хүүгээ тэгллүүлж эхэлнэ.

Жишээ нь: Багш Дулмаа найман сая төгрөгийг гурван жилийн хугацаатайгаар 23 хувь буюу 1,9 хувийн хүүтэйгээр арилжааны банкнаас зээлсэн. Гэтэл гурван жилийн дараа 11 сая төгрөг болгож төлөхийн тулд гурван сая төгрөгийг зөвхөн хүүнд нь төлсөн байна. Иймд багш Дулмаа нь тухайн сургуулийнхааТББ-аар дамжуулан Хас банкинд байршуулсан мөнгөнөөс гэрээ байгуулан авч, өндөр хүүтэй зээлээ барагдуулах бөгөөд харин Хас банкинд хүүгүйгээр найман сая төгрөгөө гэрээний дагуу төлж дуусгах юм.

Өндөр хүүтэй банкнуудын шударга бус тогтолцоог халж, цалингийн зээлийн хүүг тэглэх нь төрийн албан хаагчдын нийгмийн баталгааг хангах, амжиргааг дээшлүүлэхэд бодит ажил болж байна.