Ажилгүй багш нар ажил хаяад байгаа багш нарыг эсэргүүцэж мэдээлэл хийлээ. Тодруулбал, өнгөрсөн жил ажил хаясан нь ямар ч үр дүнгүй цаг хугацаа алдсан ба бараа бүтээгдэхүүний үнэ ханш нэмэгдэхэд хүрсэн гэв.  

Тэдний зүгээс мэргэжлээрээ ажиллах хүсэлтэй олон ажилгүй багш байгаа тул цалингаа голоод байгаа тэдгээр хүмүүсийн орон тоонд хамруулж өгөхийг төрийн дээд удирдлагуудаас хүслээ. Учир нь улсын сургуульд ороход орон тоогүйн улмаас ажил олдох нь хүндрэлтэй байдаг талаар онцолж байна. Тиймээс ажилгүй байгаа, ажиллахыг хүсч байгаа багш нар нэгдэхийг уриалаад байгаа юм.

Ажил хаяад байгаа багш нарын арга зам нь буруу байгааг ярьж байна. Үүнээс үүдэн есдүгээр сарын 1-нийг хүлээж догдолсон хүүхдүүд хохирч байна. Боловсролын төлөө гар оролцдог багш нар хичээлийн шинэ жилээр ажил хаях нь цаг үеэ олоогүй гэлээ.

Б.Лхам