“Төрийн албаны удирдах ажилтны улсын зөвлөгөөн” ес дүгээр сарын 21-нээс 23-ны өдрүүдэд Төрийн ордонд зохион байгуулагдсан бөгөөд тус зөвөлгөөнд Төв аймгийн 27 сумдын Тамгын газрын дарга нар, уг аймгийн ЗДТГ-ын дарга, ТЗУХ-ийн дарга, ТАСЗөвлөлийн мэргэжилтэн нар оролцсон байна.

Зөвлөгөөнд оролцогчидтой аймгийн Засаг дарга Ж.Батжаргал, ЗДТГазрын дарга Б.Цэрэндаваа, ТЗУХ-ын дарга С.Магнайбаяр, ахлах мэргэжилтэн Ц.Цэвэлням нар уулзаж “Төрийн албаны сахилга хариуцлага, дэг журмыг чангатгах тухай” Засгийн газрын 258 дугаар тогтоолыг үндэслэн сум орон нутагт ажиллаж байгаа төрийн ажилтан албан хаагчдын ёс зүй, сахилга батыг чангатгах талаар болон урианы жилийн ажлын хэрэгжилт, орон нутгийн ажлын байрны асуудал зэрэг цаг үеийн асуудлаар ярилцаж, үүрэг чиглэл өгчээ.

Энэ үеэр 27 сумын 97 багийн Засаг дарга нарт Хүн амын өрхийн мэдээллийн сан /ХАӨМС/, мал тооллогын Live Stock програм суулгасан “Dell Vostro 3450” маркийн зөөврийн компьютерийг олгож, цаашид өгсөн үүрэг чиглэлийн дагуу хариуцсан ажлыг эрчимжүүлж, сахилга хариуцлагыг өндөржүүлэн ажиллахыг анхааруулсан байна.