Баянзүрх дүүргийн нутаг дэвсгэрт байрлах “Очир” төвийн зочид буудалд бусдын гарт хэрцгийгээр амиа алдсан 13 настай охины хэргийн шүүх хурал 2018 оны арваннэгдүгээр сарын 23-нд Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болж, шүүх бүрэлдэхүүн шүүгдэгч Д.Жавхлан, М.Амарболд нарт бүх насаар нь хорих ял оноож, ялыг чанга дэглэмтэй хорих ангид биечлэн эдлүүлэх шийдвэрийг гаргасан билээ.

Шүүхээс шүүгдэгч нарт бүх насаараа хоригдох ял оноосон боловч давж заалдах шатны шүүхэд хандсан юм. Тэгвэл давж заалдах шатны шүүх хурал өнөөдөр нийслэлийн Эрүүгийн хэргийн давж заалдах шатны шүүхэд болох аж.

Уг хэргийн талаар нэхэн сануулахад, 2017 оны наймдугаар сарын 22-23-ныг шилжих шөнө гэмт этгээдүүд 13 настай охин М-д хүчээр архи уулгаж, хордуулан, онц хэрцгийгээр хүчирхийлж амь насыг нь хөнөөсөн билээ. Уг хэргийн урьдчилсан хэлэлцүүлэг 2018 оны нэгдүгээр сарын 11-ны өдөр Баянзүрх дүүргийн Эрүүгийн хэргийн шүүхэд болж, уг хэргийг мөрдөн шалгах ажиллагаа хийлгэх шаардлагатай хэмээн үзэж прокурорт буцаажээ. Улмаар шүүхийн урьдчилсан хэлэлцүүлэг арваннэгдүгээр сарын 7-ны өдөр болж, шүүх хурлыг наймдугаар сарын 21-ний өдөр товлосон юм. Гэвч шүүгдэгч Д.Жавхлангийн өмгөөлөгчийн биеийн байдал муу шалтгаанаар хоёр хоног хойшилж, анхан шатны шүүхийн шийдвэрээр шүүгдэгчдэд бүх насаар нь хорих ял оноосон юм. Харин  шүүгч нар анхан шатны шүүхийн шийдвэрийг эсэргүүцэж давж заалдахаар болсон нь энэ юм.

Г.Алимаа