Нийслэлийн Эрүүгийн хэргийн давж заалдах шатны шүүхэд өнөөдөр 13 настай охины амь насыг хөнөөсөн хэрэгт буруутгагдсан Д.Жавхлан, М.Амарболд нарт холбогдох давж заалдах шатны шүүх хурал болох байсан юм. Гэвч шүүгдэгчийн өмгөөлөгчийн биеийн байдал муу байгаа гэдэг шалтгаанаар шүүх хурал хойшиллоо. Энэ талаар хохирогчийн аав Т.Лхагвасүрэн “Нэгнийх нь өмгөөлөгч өвчтэй гээд хурал дахиад хойшлож байна. Хүүхэдийн амь хөнөөчихөөд үхсэндээ давж заалддаг байна аа. Яагаад ингэж бусдын амьдралд гай болж байгаа улс вэ. Хүний сэтгэлийн шархыг сэдлээд хэцүү юм. Ямар хэцүү хорвоо вэ” хэмээсэн юм.
Уг хэргийн үйлдсэн Д.Жавхлан, М.Амарболд нарт Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс бүх насаар нь хорих ял оноож, ялыг чанга дэглэмтэй хорих ангид биечлэн эдлүүлэх шийдвэрийг гаргасан билээ.
Гэвч шүүгдэгчид анхан шатны шүүхийн шийдвэрийг эсэргүүцэж, давж заалдаад байгаа юм.
Шүүх хурлын товыг бид нэхэн мэдээллэх болно.
Сэтгэгдэл (23)