"Протэйн" мах, ясны гурил болон амьтны гаралтай тосны үйлдвэр өчигдөр хийлээ.
Арга хэмжээнд Монгол Улсын Ерөнхий сайд У.Хүрэлсүх, Хүнс, хөдөө аж ахуй, хөнгөн үйлдвэрийн дэд сайд Ж.Сауле болон холбогдох бусад албаныхан оролцсон юм.
Нээлтийн үеэр Ерөнхий сайд У.Хүрэлсүх хөнгөн, жижиг, дунд үйлдвэрлэгчдийн үйл ажиллагааг Засгийн газар, холбогдох яамд, төрийн байгууллагууд бүх талаар дэмжин ажиллах болно гээд мах, ясны гурил, амьтны гаралтай тосыг хоёр хөрш рүү экспортлох өргөн боломжтой гэж үзэж байгаагаа онцоллоо.
Монгол Улс жилд 15 сая орчим толгой малыг хүнсний хэрэгцээнд зориулан гаргадаг бөгөөд үүнээс 360 мянга гаруй тонн яс хаягдал болдог аж. Хаягдал болж буй малын гаралтай дайвар бүтээгдэхүүний түүхий эдийн нөөцийг ашиглах боломжтой юм байна. "Протэйн" үйлдвэр ашиглалтад орсноор уг нөөцөөс өдөрт 96 тонн түүхий эдийг боловсруулж, 24 тонн тэжээлийн уураг, 17 тонн малын гаралтай тос үйлдвэрлэх аж.
Ингэснээр Монгол Улсад үйл ажиллагаа явуулж буй гахай, тахианы эрчимжсэн аж ахуйн тэжээлийн уургийн 80 хувийг дангаараа нийлүүлэх боломжтой юм байна.
Мах, ясны гурил нь мал, амьтны ашиг шим, түүхий эдийн чанар, гарцыг нэмэгдүүлдэг байна. Бэлчээрийн мал аж ахуй эрхэлдэг манай орны малын гаралтай түүхий эдийг ашиглан гарган авсан энэ төрлийн бүтээгдэхүүнд уураг, амин хүчил, кальци, омега, коллаген, фосфорын агууламж өндөр байгааг судалгаагаар тогтоожээ.
Б.Лхам
Сэтгэгдэл (1)