Баянзүрх дүүргийн нутаг дэвсгэр дэх “Очир” төвийн зочид буудалд 2017 оны наймдугаар сарын 23-ны өдөр 13 настай охиныг хүчирхийлж, амь насыг нь хохироосон хэрэг гарсан.

Уг хэрэгт Б.Жавхлан, М.Амарболд нарыг холбогдуулан шалгаж, Баянзүрх дүүргийн Эрүүгийн хэргийн анхан шатны шүүхээс Эрүүгийн хуулийн тусгай ангийн 10.1 дүгээр зүйлийн хоёр дахь хэсгийн 2.4, 2.7, 2.11-д зааснаар шүүгдэгч М.Амарболд, Д.Жавхлан нарт бүх насаар нь хорих ял, Эрүүгийн хуулийн тусгай ангийн 12.1 дүгээр зүйлийн дөрөв дэх хэсэгт зааснаар шүүгдэгч М.Амарболдод 15 жил, Д.Жавхланд 20 жилийн хугацаагаар хорих ялаар тус тус шийтгэж, шүүгдэгч нарт оногдуулсан хөнгөн ялыг хүндэд нь нэмж нэгтгэн шүүгдэгч тэдний эдлэх ялыг бүх насаар нь хорих ялаар тогтоожсон юм. Мөн уг хорих ялыг хаалттай хорих байгууллагад эдлүүлэхээр шийдвэрлэсэн байдаг.

Гэвч шүүгдэгч нар шүүхийн шийдвэрийг давж заалдах хүсэлт гаргасны дагуу өчигдөр давж заалдах шатны шүүх хурал болж, анхан шатны шүүхийн шийтгэх тогтоолыг хэвээр үлдээлээ.