АТГ-ын Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Т.Баярхүү энэ сард хийсэн ажлын талаарх мэдээллийг танилцууллаа.

Хурлын эхэнд орон нутагт хууль бус төлбөр хураамж тогтоож, хяналтгүй зарцуулдаг, худалдан авах ажиллагааг хууль бусаар зохион байгуулж, хамаарал бүхий этгээддээ тендерт шалгаруулах давуу байдал олгодог, төрийн албан хаагчдыг хууль бусаар ажлаас чөлөөлсний улмаас төсөвт хохирол учруулж байна. Мөн Сум хөгжүүлэх сан, Орон нутгийн хөгжлийн сан, Засаг даргын нөөц хөрөнгийг хууль бусаар зарцуулж, нөхөн сэргээлт нэрээр гэрээ байгуулан ашигт малтмалын олборлолт явуулдаг, ИТХ-ын даргын нөөц хөрөнгө гэж төсвийн үүсвэрийг зарим аймагт бий болгосон зэрэг албаны үйл ажиллагаанд улстөржсөн байдлаар ханддаг, төрийн үйлчилгээнд хүнд суртал үүсгэдэг зөрчил давтагдаж байгааг дуулгалаа.

Иймд Авлигатай тэмцэх үндэсний хөтөлбөрийг үр дүнтэй хэрэгжүүлэх хүрээнд Иргэний хяналтын зөвлөлийн 21 аймаг дахь гишүүдийг чадавхижуулах сургалт зохион байгуулжээ. Одоогоор 126 гишүүн аймаг, яам, агентлаг, нийслэл, дүүргийн хэмжээнд АТГ-тай байгуулсан гэрээний дагуу ажиллаж байгаа юм байна.

Мөн АТГ-ын Судалгаа шинжилгээний албанаас төрийн 15 байгууллагын авлигын эрсдэлийг үнэлэх ажил зохион байгуулжээ.

Үүнд: 1.Улсын Нэгдүгээр Төв эмнэлэг

2. Нийслэл Өргөө амаржих газар

3.П.Н.Шастины нэрэмжит улсын гуравдугаар төв эмнэлэг

4.Улсын Хоёрдугаар Төв Эмнэлэг

5.Халдварт өвчин судлалын үндэсний төв

6.Гэмтэл согог судлалын үндэсний төв

7.Монгол Улсын Их сургууль

8.Анагаахын Шинжлэх Ухааны Үндэсний Их Сургууль

9.Монгол Улсын Боловсролын их сургууль

10.Улаанбаатар цахилгаан түгээх сүлжээ ТӨХК

11.Авто тээврийн үндэсний төв

12.Батлан хамгаалах Аж үйлдвэрийн нэгдэл

13.МИАТ ТӨХК

14.Монгол шуудан ТӨХК

15.Хөдөө аж ахуйн бирж

ТӨХК АТГ-т мэдүүлгээ бүртгүүлэх үүрэгтэй төрийн өндөр болон бусад 293 албан тушаалтнаас албан үүргээ гүйцэтгэж байгаа нийт 283 албан тушаалтан мэдүүлгээ хуулийн хугацаанд шинэчлэн гаргаж бүртгүүлэхээс 282 албан тушаалтан мэдүүлсэн байна. Юу гэхээр, улсын хэмжээнд нэг албан тушаалтан хөрөнгө орлогын мэдүүлгээ гаргаагүй юм байна.

Тодруулбал, Жендерийн үндэсний хорооны гишүүн Х.Мандахбаяр мэдүүлгээ гаргах талаар сануулсан ч шалтгаангүйгээр татгалзсан аж.

Б.Жаргал