Хууль сахиулахын их сургуулийн захирал Ө.Энхтөрийг энэ сарын 22-нд чөлөөлсөн байна. Одоогоор тус сургуулийг тэргүүн дэд захирал, доктор, профессор, цагдаагийн хурандаа Б.Бат-Эрдэнэ удирдаж буй аж.

ХСИС-ийн захирал асан, цагдаагийн хурандаа Ө.Энхтөр нь эрх зүйч мэргэжилтэй. Завхан аймгийн цагдаагийн хэлтэст хэсгийн төлөөлөгч, мөрдөн байцаагч, ахлах мөрдөн байцаагч, тасгийн дарга, Мөрдөн байцаах газарт ахлах мөрдөн байцаагч, хэлтсийн дарга, Сонгинохайрхан дүүргийн Засаг даргын дэргэдэх цагдаагийн хэлтсийн дарга, Мөрдөн байцаах газрын дарга, Нийслэлийн цагдаагийн газрын дарга, 2013-2016 онд Авлигатай тэмцэх газрын Мөрдөн шалгах хэлтсийн дарга, 2016-17 онд Цагдаагийн ерөнхий газрын даргаар тус тус ажиллаж байсан юм.