Зам, тээврийн хөгжлийн яамны Төрийн захиргаа удирдлагын газрын дарга асан Б.Махбалд холбогдох хэргийн анхан шатны шүүх хурал өнөөдөр Сүхбаатар дүүргийн Эрүүгийн хэргийн анхан шатны шүүх танхимд 10.00 цагаас эхэлнэ.

Тодруулбал, Б.Махбал нь өнгөрсөн оны наймдугаар сарын 9-ний орой XIII байрны гадаа тус яамны Хяналт шинжилгээ, үнэлгээ, дотоод аудитын газрын дарга Т.Г-г зодож, амийг нь бүрэлгэсэн байдаг.

Үүнтэй холбогдуулан өнгөрсөн оны арваннэгдүгээр сард нийслэлийн Прокурорын газраас түүнд Эрүүгийн тухай хуулийн 10.1-д зааснаар яллах дүгнэлт үйлдсэн бөгөөд уг заалт нь хүнийг алсан бол 8-15 жил хүртэлх хугацаагаар хорих ялаар шийтгэдэг юм байна.

Б.Лхам