Цагдан хорих 461 дүгээр ангид амь насаа алдсан шүүгч Л.Бямбаагийн өмгөөлөгч өнөөдөр мэдээлэл хийсэн.

Тэрбээр талийгаачийг хоёрдугаар сарын 22-ны өдөр буюу баасан гаригийн өглөө өмгөөлөгчийг нь уулзахаар очиход Ганц худгаас АТГ-ынхан аваад явсан байдаг бөгөөд бүтэн өдөр нэг өрөөнд ганцаарчлан суулгасан. Ингэхдээ АТГ-ын эрх бүхий албан тушаалтнууд талийгаачийг ажлын байрандаа эрүүдэн шүүсэн, айлган дарамталсан гэж хэлсэн юм.

Харин энэ талаар АТГ-ын Мөрдөн шалгах хэлтсийн ахлах мөрдөгч Ч.Жаргалбаатар “хоёрдугаар сарын 21-ий өдөр 12.00 цагт Прокурорын дуудах хуудсаар талийгаачийг дуудаж тодорхой хугацаанд гэрчийн мэдүүлэг авсан. Гэрчийн мэдүүлэг болон тухайн цаг хугацаанд явагдаж байсан мөрдөн шалгах ажиллагаатай холбоотой зайлшгүй зарим газар, объектод нэгжлэг хийх шаардлага гарсан юм. Энэ талаар нийслэлийн Прокурорын газарт танилцуулаад талийгаачийн ажлын болон зуслангийн байр, амьдарч буй гэрт нь нэгжлэг хийх шаардлагатай байсан учир прокурорын зөвшөөрлөөр уг нэгжлэгийг хийсэн. Нэгжлэгийн 14.00 цагаас 21.00 хүртэл хийсэн юм. Энэ хугацаанд хэрэгт ач холбогдол өгөх баримт хураагдсан бөгөөд энд үндэслэн тухайн хүнийг шүүхийн шийдвэргүйгээгээр сэжиглэн шалгах зайлшгүй баривчлах үндэслэлүүд тогтоогдсон. Ингээд тухайн тухайн шөнийн 23.58 минутанд сэжигтнийг баривчлах тогтоолоо үйлдсэн. Нэн даруй прокурорт танилцуулах, зөвшөөрөл авах шаардлагатай учраас прокурор 00.40 минутанд хэргийн материалтай танилцаж, зөвшөөрөл авсан байдаг. Үүний дараа баривчлах ажиллагаа явагдсан юм. Талийгаачийг баривчилсан тухайн цаг хугацаанд мөрдөн шалгах олон ажиллагаа явуулсан. Уг ажиллагааг явуулсны үндсэн дээр тухайн хэрэгт 4-5 хүнд эрүүгийн хэрэг үүсгэх үндэслэл тогтоогдоод уг яллагдагчаар татах хүсэлтийг прокурорт явуулсан. Прокурорын байгууллагаас хэргийг хянаж үзээд ноилох баримт хангалттай цугласан байна гэж үзээд нэр бүхий хүмүүсийн хэрэгт яллагдагчаар татах тогтоол үйлдэл АТГ-т ирүүлсэн. Сэжигтнийг баривчилсан тогтоолыг 17.10 цагт бид шүүх дээр хүргэсэн. Ингээд тухаөйн өдөр Эрүүгийн хуулийн хянан шийдвэрлэх тухай хуульд заасан 24 цагийн дотор мөрдөн шалгах ажиллагаанууд бүрэн хийгдээд хуулийн дагуу ямар нэгэн процесс, зөрчилгүйгээр хийгдэж шүүхэд хүргэгдсэн юм. Эрүүгийн хэрэг хянан шийдвэрлэх тухай хуульд шүүхийн зөвшөөрөлгүй баривчилсан баримт мэдээ, хэргийн материалтай танилцаж үзээд Эрүүний хэргийн  хянан шийдвэрлэх тухай 31.12-т заасны дагуу шийдвэрээ гаргах ёстой. Дээр дурдсанчлан зүйл заалтаар заасан хугацаа дууссан учраас талийгаачийг прокурорт танилцуулаад шүүхийн шийдвэр гараагүй учраас 48 цагийн хугацаа дууссан байна. бид суулаж авъя гэж очиход нас барсан байдалтайгаар олдсон гэх мэдээллийг өгсөн юм” хэмээн тайлбарлалаа.

Гэхдээ талийгаачийг баривчилсны маргааш буюу хоёрдугаар сарын 22-ны өдөр өмгөөлөгч Ц.Баасандоржийн мэдээлсэнчлэн АТГ өөрийн байрандаа хүргэж мэдүүлэг авсан, дарамталсан эсэх талаар мэдээлэл өгсөнгүй. Харин өмгөөлөгчийг худал мэдээлэл тарааж иргэдийг төөрөгдөлд оруулж байна гэв.

Б.Лхам