Монголын Урчуудийн Эвлэлийн үзэсгэлэнгийн танхимд “Монгол хүүхэлдэйн хаант улс” хэмээх Үзэсгэлэнгээ дэлгэсэн Монголын Хүүхэлдэйн Зураачдын Холбооны  тэргүүн Дэмчигжавын Доржхоролтой тус үзэсгэлэнгийн нээлтийн үеэр ярилцлаа.

-Сайн байна уу? Юун түрүүнд  “Монгол хүүхэлдэйн хаант улс” хэмээх үзэсгэлэнгээ нээж байгаад чинь баяр хүргэе
- Сайн, баярлалаа. Миний “Монгол хүүхэлдэйн хаант улс” нэртэй үзэсгэлэнд хүрэлцэн ирж ярилцаж буйд баяртай байна.

-Таны энэ удаагийн үзэсгэлэн юугаараа онцлог вэ?
- “Монгол хүүхэлдэйн хаант улс” үзэсгэлэн маань угсаатан зүйн талаасаа бүтээгдсэн учраас нэлээд онцлог болсон гэж хэлж болно. Тухайлбал, Урианхай, Хасаг, Буриад гэх мэт олон үндэстэн ястнууд ямар хувцас , эдлэл хэрэглэл хэрэглэж байсан бэ ? гэдгийг илүү харуулах гэж зорьсон. Энэ бүгдийг диталчилж хийсэн байгаа. Хүний дээл яг ямар байдаг вэ? тэрэн шиг л нударга, имжээр, дотор гээд бүх зүйлийг нь нэг бүрчлэн хийсэн байгаа. Ер нь хүүхэлдэй хийхэд нарийн чимэхлүүрх ажил их шаардагддаг. Энэ утгаараа нэг хүүхэлдэй дахин давтагдана гэсэн ойлголт байдаггүй.

-Таны бүтээлүүдэд зурах, сийлэх, оёх, наах гээд дүрслэх урлагийн бүхийл төрөл шингэсэн байдаг. Энэ бүгдийг гараараа хийхэд хэр хугацаа шаарддаг вэ?
- Тэгэлгүй яахав нэг бүрчлэн өөрийн гараар хийдэг. Нарийн чимэхлүүр ажил хийдэг. Тиймээс  хурдан хугацаанд хийх нь ховор. Доод тал нь долоо хоног заримдаа бүр жил ч болох тохиолдол байдаг.

- Ингэж их хөдөлмөр гаргаж байгаа юм чинь  өндөр үнээр борлуулна биз?
- Мэдээж хөдөлмөр байлгүй яахав. Гэхдээ голдуу захиалгаар л хийдэг. Гадаад дотоод гэлтгүй хүмүүс захиалдаг. Хамгийн өндөр үнээр хийсэн бүтээл маань Чингис хааны хөрөг. Нэг гадаад хүн захиалгаар хийлэгсэн. Бүр өөрөө бүх материалаа авчирч өгөөд хийлгэж байсан.  Энэ бүтээл 1000 доллар болж байсан.

-Бүтээлээ хийхдээ материалаа хэрхэн яаж сонгодог вэ?
- Уран бүтээлч хүн ямарч материалийг гололгүй хүүхэлдэй хийж чаддаг байх хэрэгтэй.Тиймээс хамгийн гол нь хөдөлмөр, зүтгэл чухал.

-Хүүхэлдэйн урлаг манайд хэр хөгжиж байна гэж боддог вэ?
- Манай улсад энэ урлаг сайн хөгжиж байгаа гэж боддог. Тэрч утгаараа монголын хүүхэлдэйн урлаг дэлхийд нэртэй монгол брэнд болон танигдаж чадсан. Монголд мэргэжилийн хүүхэлдэйн  чиглэлээр цөөнгүй  хэдэн сургууль оюутан бэтгэж байгаа. Тухайлбал, Дүрслэх урлагийн дээд сургууль мөн Үйлдвэр урлалийн дээд сургууль зэрэгт хүүхэлдэйн ангиуд байдаг. Эдгээр төгсөгчид бүгд мэргэжлийн хүмүүс болон төгсдөг. Ийнхүү өөр өөрсдийн онцлогоор уран бүтээлээ хийдэг. Харин миний хувьд угсаатан зүйн талаасаа хийхийг илүүд үздэг.  Би 1980 онд анхны нарийн мэргэжлийн хүүхэлдэйн урлаач ангийг  төгссөн төгсөгчидийн нэг. Ер нь манайд 30 гаруй жил энэ урлаг хөгжиж байна гэсэн үг л дээ.

-Үзэсгэлэнгийнхээ дараа хийхээр төлөвлөж буй ямар ажил байна вэ?
- Яг одоогоор төлөвлөөд буй ажил байхгүй байгаа. Үзэсгэлэнгээ нээх гээд нилээн ажилсан. Тиймээс шинэ уран бүтээл төлөвлөөгүй байна.

-Таны бүтээлүүд нилээд олон орны төрийн тэргүүний цуглуулганд байдаг гэж сонсож байсан. Энэ талаар яриач, үнэн үү?
- Тиймээ, төрийн тэргүүн болоод  Монгол Улсаа төлөөлөн суугаа элчин сайдын яамны өргөөнд байдаг. Бараг 100 дөхөж  байгаа байх шүү. Ихэнх нь захиалгаар хийлгэж байсан.