“Эрдэнэт” үйлдвэрийн Хуулийн хэлтсийн дарга асан Б.Мөнхжаргал цаг үеийн асуудлаар мэдээлэл хийлээ. Тэрбээр "Эрдэнэт үйлдвэр тахимаа өгөх болоогүй. Бид мөнгө төлөх болоогүй. Нэг ч цент төлөх ёсгүй. Төлөхгүй байх хуулийн хамгаалалттай.

Арбитрын тухай хуулийн 49 дүгээр зүйл дээр Арбитрын үндсэн шийдвэрээс татгалзах үндэслэл гээд байгаа. Тэгэхээр арбитрын хуулиас татгалзах үндэслэл байдаг юм байна. 49 дүгээр зүйлийн 1.2-т шүүх дараах байдлыг тогтоосон бол арбитрын шийдвэрээс татгалзана гэж заасан. Энэ хэрэг эрүүгийн гэдэг нь тодорхой болчихсон. Эрүүгийн хэрэг байхад арбитрын хэрэг гэж үзээд Лондонд шийдсэн. Тэгэхээр энэ заалтыг үндэслээд Монгол Улс татгалзах үндэслэл аль хэдийнэ бүрдсэн.

Монголын шүүх гадаадын арбитрын шүүхийг татгалзаж байсан үндэслэл байдаг. 2014 оны дөрөвдүгээр сарын 12-ны 66 тоот захирамжаар гадаадын арбитрын шүүхийн шийдвэрээс татгалзсан. Тийм учраас Монгол Улсад татгалздаг практик байна" гэлээ.

С.Сүлд