Энэ сарын 15-ны өдөр ШШГЕГ-ын харьяа Цагдан хорих 461 дүгээр ангид цагдан хоригдож байхдаа гавъяат хуульч Л.Бямбаа амиа алдсан билээ. Түүнийг Салхитын мөнгөний ордтой холбогдуулан шалгаж байсан. АТГ-аас талийгаач нэг биш нэлээд хэдэн хэрэгтэй холбогдуулан шалгаж байсан. Түүний амиа алдсан хэргийг цагдаагийн байгууллага шалгаж байгаа гэж мэдэгдсэн юм. Тэгвэл талийгаач Л.Бямбаагийн задлан шинжилгээний албан ёсны хариу гарсан гэх мэдээлэл байна. Уг  дүгнэлтэд талийгаачийг гаднын нөлөөгүй амиа алдсан болохыг тодотгосон атлаа гарын хуруунд нь гаднын нөлөөтэйгөөр шарх үүссэн талаар бичсэн байсанг дурдсан юм.

Талийгаачийн гарт үүссэн гэх сорви нь талийгаачийг нас барахаас өмнө өөрийнхөө дотуур хувцасны төмрөөр хуруугаа хатгаж, цусаа бэх болгон ашиглаж гэрээслэл үлдээсэн гэх мэдээлэл бас байгаа юм.