Нийслэлийн прокурорын газрын Ерөнхий прокурор, хууль цаазын тэргүүн зөвлөх Д.Баярмагнай өчигдөр үдээс хойш өөрийн хүсэлтээр үүрэгт ажлаасаа чөлөөлөгдөх хүсэлтээ Улсын Ерөнхий прокурорт өгчээ.

Энэ талаар прокурор Д.Баярмагнайгаас тодруулахад "Ажил үүргээ чин шударгаар хийж ирсэн. Гэтэл элдвээр хэлж, хардаж, сэрдэх нь хэрээс хэтэрлээ. Амралтгүй шахам зүтгэчихээд эцсийн дүндээ ингэж хэлүүлэхийг хүсэхгүй байна. Хийж чадах хүнд нь өгье" гэлээ. 

 

Тэгвэл нийслэлийн Ерөнхий прокурорын орлогч прокурор Ж.Сандагсүрэнг мөн чөлөөлөх асуудал яригдаж байгаа юм байна. Түүний оронд нийслэлийн прокурорын газрын Хяналтын прокурор Н.Амарсанааг томилохоор ашиг сонирхлыг нь шалгуулахаар АТГ-т хүргүүлжээ.

УИХ-аас Шүүгчийн эрх зүйн байдлын тухай хууль болон дагалдах бусад хуульд өөрчлөлт оруулж баталсантай холбоотойгоор дээрх шийдвэр гаргахад хүрсэн бололтой.

Г.Эрдэнэ