Баянзүрх дүүрэгт байрлах орон сууцны 13 давхараас 22 настай иргэн Ц унаж, амиа алдсан хэрэг энэ сарын 10-нд гарсан билээ. Хэргийн талаарх мэдээллийг талийгаачийн аав Д.Сүхжаргал сошиалд нийтэлснээр олны анхааралд өртсөн юм. Хэргийг Баянзүрх дүүргийн Цагдаагийн I хэлтэс шалгаж байгаа юм байна.
Энэ талаар талийгаачийн аав Д.Сүхжаргал "Охин маань энэ залуутай хамтран амьдраад таван сар болж байна. Би тухайн үед хөдөө ажлаар явсан. Гэртээ ирээд ийм хэрэг гарсныг мэдсэн. Анх найз залууг нь хараад "Миний охиныг аваад явчих дажгүй залуу байна даа" гэж харсан. Гэтэл үгүй байсна юм билээ. Өмнө нь хэд хэдэн удаа зодож байсныг нь найзуудаас нь дууллаа. Найзуудынх нь хэлснээр гэр бүлээ зовоохгүй гэсэндээ нуудаг байсан гэсэн. Хэрэг гарсан өдөр "Хэрэлдэх байтал 13 давхараас үсэрчихлээ" гэж эгчид нь охины маань гар утсаар залгаж хэлсэн байна лээ. Өнгөрсөн жил ээж нь талийгаач болсон.
Миний охин амиа хорлох хүүхэд байгаагүй. Зөв хүмүүжилтэй охин. Үсэрсэн цонхны дор өргөн цагаан буйдан байна лээ. Охин маань өмнө нь “Энэ залуутай тохирохгүй юм байна” гэж хэлж байсан.
Энэ зургийг нь угаалгаж цагдаагийн байгууллагад өгсөн. Найз залуу гээд байгаа нөхөрийг архи нь гарахаар нь батлан даалтад гаргасан байна лээ". Энэ хэргийг мөрдөж байгаа прокурорыг өөрчлөх хүсэлт гаргана. Үнэн мөнийг тогтоохын төлөө зүтгэнэ гэсэн юм.
Г.Алимаа
Сэтгэгдэл (8)