Төв цэвэрлэх байгууламжид ажиллаж байсан дөрвөн хүн амь насаа алдсан харамсалтай хэрэг гарчээ. 

Тодруулбал, Төв цэвэрлэх байгууламжийн лагийг цэвэрлэж байсан хоёр ажилтан  лаг руу унаж, амь эрсдэх нөхцөл байдалд орсон байна.  Мөн тэднийг аврахаар араас нь орсон хоёр ажилтан нас барсан харамсалтай хэрэг дөнгөж сая гарчээ. Хэргийн талаарх дуудлага цагдаагийн байгууллагад ирсний дагуу бүрэлдэхүүн гарсан байна. 

Түүнчлэн нийслэлээс шуурхай баг хэргийн газар руу хөдөлсөн байна.

Төв цэвэрлэх байгууламж хоногт 160000-190000 метр куб ахуйн болон үйлдвэрийн бохир ус хүлээн авч цэвэрлэдэг.

 Энэ талаар бид эргэн сурвалжлах болно.

Г.Эрдэнэ