Дэлхийн нийтээрээ технологийг шүтэх болсон энэ цаг үед интернэт тоглоомонд донтогчдын тоо ХДХВ/ДОХ-оор нас барах иргэдээс хэд дахин давсныг Дэлхийн эрүүл мэндийн байгууллага анхааруулж буй. Энэ утгаараа дэлхий нийтэд интернэт тоглоом тэр дундаа PUBG тоглоомноос хүүхэд, залуусыг хол байлгаж, ирээдүйгээ аврах уриалгыг өрнүүлээд буй. Манай улсын хувьд ч энэ уриалгыг дэмжиж, багагүй ажил өрнүүлээд буй. Тодруулбал, сүүлийн нэг жилийн хугацаанд гэхэд 40 гаруй ПС тоглоомын эрхийг цуцлах саналаа эрх бүхий байгууллагад хүргүүлсэн.
Учир нь Сэтгэцийн эмгэг судлалын үндэсний төвд интернэт тоглоомонд донтсон 10-30 насныхны цуваа өнөөг хүртэл үргэлжилсээр байна. Наандаж л СЭМҮТ-ийнхөн “PUBG-д донтогсод-ын тасаг нээе” гэж хошигнож сууна. Энэ бол эмч нарийн аргаа барсан гашуун ч гэсэн үнэн үг.
Төрийн болон хууль хяналтын байгууллагаас интернэт тоглоомын газрын тоог хумиж, хүүхэд залуусыг гар утас, компютер бус харин номтой нөхөрлөхийг уриалж байхад зарим нэг байгууллага ашгийн төлөө энэ бүхнийг үнэгүйдүүлж сууна.
Тухайлбал, “Мобиком” корпораци санал болгосон GAMING багцаа сурталчилсан зар сурталчилгаа иргэдийн болоод хууль хяналтын байгууллагынхны дургүйцлийг хүргээд байна. Угтаа бол тус корпораци нь нийгмийн хариуцлагаараа түүчээлэгч, шилдэг татвар төлөгч аж ахуйн нэгж гэж байнга өөрсдийгөө сурталчилдаг. Гэсэн атал “30+1GB” гэсэн сурталчилгаанд PUBG, FORTINITE, BOBILE LEGENDS, CLASH KF CLANS, CLASH ROYALE зэрэг тоглоомыг үнэгүй тоглох бонусыг санал болгожээ.
Эндээс л “Мобиком” корпораци нийгмийн хариуцлагыг ухамсарлагч уу, эс бөгөөс ашиг, хонжооны төлөө нийгмийг золиослог ч уу гэдэг асуултыг асуухад хүрээд байна. Дахин асууя. “Мобиком” корпораци нийгмийн хариуцлагыг түүчээлэгч үү, эсвэл ашгийн төлөө хүүхэд, залуусыг донтолтод уриалагч компани уу.
Г.Алимаа
Сэтгэгдэл (4)