Олны дунд Никель Ганбаа хэмээн алдаршсан Г.Дашням нарын гурван этгээдэд холбогдох хэргийн материалд хавсаргах байсан нотлох баримтууд алдагджээ.
Тодруулбал, Г.Дашням нарын гурван этгээд өнгөрсөн сарын 13-ны өдөр хар тамхи хэрэглэсэн байсныг цагдаагийн алба хаагчид илрүүлсэн юм. Мөн унаж явсан Тоёота-приус маркийн автомашинаас таван грамм орчим өвсний ургамал илрүүлэн, эд мөрийн баримтаар хураан авсан байдаг. Улмаар Сүхбаата дүүргийн цагдаагийн нэгдүгээр хэлтэст авчран шүлсний тестээр шалгахад, мансууруулах төрлийн зүйл хэрэглэсэн нь тогтоогджээ.
Тиймээс Г.Дашням нарт холбогдох хэрэг бүртгэлийн хэрэг нээн шалгалтын ажиллагааг эхлүүлэхээр болж харьяаллын дагуу Хар тамхитай тэмцэх газарт өнгөрөгч гуравдугаар сарын сүүлээр шилжүүлэх үед нотлох баримтууд алдагдсан байна. Ингэснээр дээрх этгээдүүдийг эрүүгийн хэрэгт татах боломжгүй болсон бөгөөд хар тамхи, сэтгэцэд нөлөөлөх мансууруулах бодис хэрэглэсэн гэх үндэслэлийн дагуу Зөрчлийн хуулиар шийтгэх аж.
Сэтгэгдэл (5)