Тагнуулын ерөнхий газрын дарга асан хошууч генерал Б.Хурцыг Улсын мөрдөн байцаах газраас өчигдөр орой саатуулсан билээ. Энэ талаар ЦЕГ-аас "Тагнуулын ерөнхий газрын дарга асан Б.Хурцыг хойшлуулшгүйгээр баривчилгаа хийсэн. Одоогоор түүнийг цагдан хорихтой холбоотой шүүхийн шийдвэр гараагүй байна. АТГ дээр 2002 оны эрүүгийн хуулийн 133 дугаар зүйл "Гүйцэтгэх ажиллагааг хууль бусаар зөрчих" гэдэг заалтаар эрүүгийн хэрэг үүсгэн шалгаж байсан хэргийг Улсын ерөнхий прокуророос харьяалал тогтоож өнгөрсөн Баасан гаригт мөрдөн байцаах албанд шилжүүлэн ирсэн байгаа. Үүний дагуу мөрдөн шалгах ажиллагаа хийгдэж байна. Уг хэрэгтэй холбогдуулан өчигдөр Б.Хурцыг хойшлуулшгүйгээр саатуулсан. Үргэлжлүүлэн цагдан хорих саналыг прокурорын газарт санал хүргүүлсэн. Одоо үргэлжлүүлэн цагдан хорих асуудлыг шүүх шийдвэрлэнэ" гэсэн мэдээллийг өгөөд байгаа юм.

Уг асуудлаар Улсын ерөнхий прокурорын орлогч М.Чинбатаас тодруулахад "Надад мэдсэн юм алга. Холбогдох газраас таслан сэргийлэх арга хэмжээ авсан байх” гэлээ.

С.Сүлд