Өнгөрсөн дөрөвдүгээр сарын 14-нд Сэлэнгэ аймгаас есөн настай охин алга болсон юм. Охиныг эрэн хайх ажил өрнүүлж байх хооронд гэмт этгээдийг илрүүлж, улмаар хэргээ хүлээсэн гэх мэдээлэл байна.
Тодруулбал, өнгөрсөн сарын 29-ны орой Налайх дүүрэгт байрлах гэрийнхээ гадаа тоглож байсан 11 настай охиныг гэмт этгээд барьцаалж, хоолойд нь хутга тулган Улаанбаатар хотод авчирсан байна. Улмаар Сонгинохайрхан дүүргийн нутаг дэвсгэрт байрлах хүнсний дэлгүүрт хүчирхийлсэн байж болзошгүй нөхцөл байдалтай охин тусламж эрэн оржээ.
Тухайн шөнөө цагдаагийн алба хаагчид гэмт этгээдийг эрэн сурвалжилснаар маргааш өдөр нь сэжигтэн Тамир гэгчийг баривчилсан байна. Тэрбээр мэдүүлэгтээ өнгөрсөн сарын 14-ны өдөр Сэлэнгэ аймгаас алга болсон есөн настай Ундармаа охиныг хүчирхийлэх явцад амиа алдсан учир ууланд булсан гэж мэдүүлжээ. Налайх дүүргээс хүчинд автаж, нийслэлд ирсэн охин Эх хүүхдийн эрүүл мэндийн үндэсний төвд эмчлүүлж байгаа юм байна.
Г.Алимаа
Сэтгэгдэл (211)