ТЕГ-ын дарга асан, хошууч генерал Б.Хурцыг Мөрдөн байцаах албанаас өнгөрсөн дөрөвдүгээр сарын 23-ны өдөр 48 цагийн хугацаатай саатуулсан юм. Улмаар 15 хоног цагдан хорих шийдвэрийг шүүхээс гаргаснаар тэрбээр Урьдчилан хорих 461 дүгээр ангид ганцаарчлан хоригдож буй юм. Тэрбээр цагдан хоригдох хугацаандаа ТЕГ-ын дарга Д.Гэрэлийн зөвшөөрөлгүйгээр мэдүүлэг өгөхгүй гэдгээ мэдэгдсэн юм. Ингээд Б.Хурцыг цагдан хорих хугацаа энэ сарын 8-нд дууссан боловч прокуророос түүнийг үргэлжлүүлэн хорих санал дахин гаргасны дагуу шүүхээс дахин 15 хоног цагдан хорих шийдвэр гаргасан юм. Тэгвэл түүнийг цагдан хорих хугацаа өнөөдөр дуусч байна.

Нийслэлийн прокурорын газраас Б.Хурцыг үргэлжлүүлэн хорих саналаа Чингэлтэй дүүргийн Эрүүгийн хэргийн анхан шатны шүүхэд гаргасан байна.

ТЕГ-ын дарга асан Б.Хурцыг 2002 оны Эрүүгийн хуулийн 133 дугаар зүйл ангиар буюу гүйцэтгэх ажлын журам зөрчсөн хэргээр шалгаж буй.

Б.Лхам