"Босоо хөх Монгол" төрийн бус байгууллагын тэргүүн, улсын харцага Г.Ганхуягийг энэ сарын 25-нд Увс аймгаас баривчилсан байна. Одоогоор түүнийг Улаанбаатар хот руу хүргэж ирж байгаа юм байна.

Түүнийг баривчилсан шалтгаан нь трансжендер иргэдийн эрхэнд халдаж, айлган сүрдүүлж, эд хөрөнгө нэхсэн хэмээн иргэний ирүүлсэн гомдолтой холбоотой юм байна. Тодруулбал, тус төрийн бус байгууллагын тэргүүн Г.Ганхуягад холбогдох Эрүүгийн хуулийн тусгай ангийн 17.6.1-т зааснаар бусдын эд хөрөнгийг авахаар заналхийлсэн хэрэгт холбогдох шүүх хурал энэ сарын 25-нд Баянгол дүүргийн Эрүүгийн хэргийн анхан шатны шүүхэд болж, 30 хоног цагдан хорих шүүхийн шийдвэр гарсан байна. Тиймээс түүнийг ийнхүү баривчилж, Улаанбаатар хотод авчирж байгаа аж.

Г.Алимаа