Өвөрхангай аймаг, Хархорин сумын нутаг дэвсгэрт оршин суух иргэний гэрт өнгөрсөн наймдугаар сарын 23-наас 24-нд шилжих шөнийн 3.00 цагийн орчимд үл таних 2 хүн нэвтэрсэн байна.  Ингэхдээ хутга тулган 12-15 см өндөртэй алтан шармал “Ямандаг” бурхан, 15-17 см өндөртэй хүрэл “Дамдинчойжоо” бурханыг дээрэмджээ. Хэргийн дуудлагын дагуу цагдаагийн алба хаагчид шалгалт хийхэд өмнө нь хоёроос гурван удагаийн гэмт үйлдлээр ял шийтгэл эдэлж, шүүхээс онц аюултай гэмт хэрэгтнээр тооцогдож байсан иргэн “Х” болон “Б”, “Д” нар бүлэглэн үйлдсэн байна.

Гэмт этгээдүүд дээрэмдсэн бурханаа энэ сарын 6-ны өдөр бусдад зарах гэж байхад нь Эрүүгийн цагдаагийн албаны Хүнд гэмт хэрэгтэй тэмцэх хэлтсийн алба хаагч илрүүлсэн бөгөөд алдагдсан бурхадыг бүрэн бүтэн хураан аван хэргийг үргэлжлүүлэн шалгаж байна.

Г.Эрдэнэ