Засгийн газраас улсын төсвийн хөрөнгө оруулалт бүхий хэд хэдэн музейн барилга, орон сууцыг шинэчлэх тухай Ерөнхий сайд У.Хүрэлсүх ярьсан удаатай. Үүнтэй холбогдуулж Байгалийн түүхийн музейг Их тэнгэрийн аманд шинэчлэн барих шийдвэрийг Засгийн газраас гаргасан юм. Мөн Улсын дуурь бүжгийн эрдмийн театр тэргүүтэй барилгыг нурааж, одоогийн барилгыг орчин үеийн шийдлээр шинэчлэх тухай яриа өрнөсөн нь нийгэмд маргаан дагуулж эхлээд байна. Энэ асуудлаар салбарын сайд Ё.Баатарбилэг холбогдох тайлбарыг өглөө.

Тэрбээр "Энэ музейн зургийн зураг төсөлд бид сайжруулалт хийсэн. Харамсалтай нь, энэ ажил явж байхад газрын асуудал босч ирлээ. Та бүгд харж байгаа байх. Тухайн үед музейд ажиллаж байсан хүн газрыг нь авсан байгаа юм, 1998 онд. Тэгээд дараа нь гадагшаа хаалга гаргаад, тухайн орчмынх нь газартай нь эзэмшил болгоод авчихсан байна лээ. Хотын удирдлагуудтай холбогдох асуудлыг нь ярьсан. Энэ музейг буулгаж шинээр Чингис хаан музей барихаас өөр асуудал байхгүй. Сая та бүхэн харлаа. Бүх асуудлыг нь зөрчсөн. Барилга нь өөрөө нурах хэмжээнд хүрсэн байна. Түүнийг улстөржүүлж байгаад хамарсаж байна. Сүүлийн хэд хоног анхааралтай ажиглалаа. Яагаад буулгаж болохгүй гэж.

Буулгахгүй гэвэл яагаад сэргээн засварлах тухай ярихгүй байна. Маш гоё санаа ярих юм. Улаанбаатарын хамгийн гоё цэг гэх юм. Улсын хэвлэл үйлдвэрийг сайжруулахад дуугараагүй мөртлөө өнөөдөр төр нь өөрөө юмаа мэдээд, соёлынхоо салбарт хөрөнгө оруулж байхад жадлан эсэргүүцэж байгаад харамсаж байна. Энэ хүмүүс ямар санаатай юм. Улстөржилт биш байгаасай. Тэрнээс эрт барилга байхад дуугараагүй мөртлөө дуу дуугаа авалцаад яваад байна. Нэг шийдвэр танилцуулъя. Улсын төсвийн тухай хууль байна" гэлээ. 

С.Сүлд