Монголын Хуульчдын холбооны IV Их хурал энэ сарын 26-нд болж өндөрлөлөө. Тус хурлаар хэд хэдэн асуудлыг хэлэлцэх ёстой байснаас хамгийн чухал нь Хуульчдын холбооны ерөнхийлөгчийг сонгож, чөлөөлөх асуудлыг хэлэлцсэн байсан юм. Тус холбоо нь Хуульчийн эрх зүйн байдлын тухай хуульд заасны дагаа ерөнхийлөгчөө хоёр жилд нэг удаа сонгож, томилох ёстой. Энэ удаагийн сунгаанд хуульч Н.Ариунболд, Н.Баасанжав, Ж.Батзоригт, Б.Өнөмөнх нар нэрээ дэвшүүлснээс хуульч Б.Өнөмөнхийг олонхийн саналаар сонгосон байна. Ингэснээр Монголын хуульчдын холбооны ерөнхийлөгч Ж.Хунан шинэ ерөнхийлөгч Б.Өнөмөнхөд үүрэгт ажлыг нь шилжүүлэн өгчээ. 

Тэрбээр мөрийн хөтөлбөртөө "Эе эвийг сахих", "Нийтийн оролцоог хангах", "Мэргэжлийн байх", "Нөлөө бүхий байх", "Бүтээлч байх" гэсэн үндсэн таван зарчмыг мөрдөхөөр тусгаснаас гадна хуульчдын нийтлэг эрх ашиг, сонирхлыг хамгаалан хангах, хамтын ажиллагааг улам бэхжүүлэх, өөрөө удирдах ёсны жишиг болсон нөлөө бүхий байгууллага болон хөгжих бодлого, чиглэлийн хүрээнд хийгдвэл зохих ажлуудыг бүрэн хамрах зорилго тавьжээ.