Монголбанкны ерөнхийлөгч асан Н.Золжаргалд холбогдох хэргийн урьдчилсан хэлэлцүүлэг Чингэлтэй дүүргийн Эрүүгийн хэргийн анхан шатны шүүхэд өнөөдөр хаалттай болж өндөрлөлөө. Шүүхийн урьдчилсан хэлэлцүүлгээс гэм буруугийн шүүх хурлын товыг тогтох эс бөгөөс хэргийг нэмэлт мөрдөн байцаалтад буцаах эсэхийг шийдэх ёстой байсан. Гэвч яллагдагч Н.Золжаргалын өмгөөлөгч шүүх хурлыг хойшлуулах хүсэлт гаргасан байна. Уг хүсэлтийг шүүх бүрэлдэхүүн хэлэлцээд шүүхийн урьдчилсан хэлэлцүүлгийг ирэх арваннэгдүгээр сарын 25-ныг хүртэл дахин хойшиллоо. Өмнө нь энэ сарын 14-нд шүүхийн урьдчилсан хэлэлцүүлгийг хийхээр товлоод байсан ч өнөөдрийг хүртэл хойшлуулаад байсан. Ингэснээр шүүхийн урьдчилсан хэлэлцүүлэг ийнхүү гурав дахь удаагаа хойшиллоо.
Хэргийг нэхэн сануулбал, банкуудад тогтоосноос бага хүүтэйгээр зээл өгсөн, төрсөн ах Н.Жаргалсайхан болон түүний хүү, охины нэрээр 2013-2016 онд Австри улс руу мөнгө шилжүүлсан. Уг гуйвуулсан 650 мянган ам.долларыг эхнэр нь хүлээн авч, тус улсад 110 гаруй ам метр талбайтай байр худалдан авч, үндэслэлгүй хөрөнгөжсөн хэргээр шалгаж эхэлсэн юм.
Тиймээс нийслэлийн Прокурорын газраас Н.Золжаргалд яллах дүгнэлт үйлдэн Чингэлтэй дүүргийн Эрүүгийн хэргийн анхан шатны шүүхэд шилжүүлсэн билээ.
Г.Эрдэнэ
Сэтгэгдэл (9)