УИХ-ын чуулганаар Сонгуулийн тухай хуулийн төсөл болон хамт өргөн мэдүүлсэн хуулийн төслийн анхны хэлэлцүүлгийг хийж байна. Энэ үеэр УИХ-ын гишүүд асуулт асуусан. Тухайлбал,

Б.Ундармаа: 2016 оны сонгуулийн үр дүнгээр 13 эмэгтэй УИХ-д сонгогдсон. Маш олон ажил хийж, асуудлыг шийдсэн. Квотыг нэмэгдүүлэх тал дээр эрчүүд маань анхаараасай. Эмэгтэйчүүд эрчүүдийн ар талд байж, зөв шийдвэр гаргахад дэмжлэг үзүүлдэг. Тиймээс квот нэмэхэд анхаараасай.
Д.Эрдэнэбат: Томсгосон можаритар нь жижгээсээ ялгаагүй юм л даа. Парламентийн хувьд өөрчлөлт орохгүй. Бид ингэж өөрсдийгөө хуурч болохгүй. МАН анх 26 улс нэг гэж хачин юм оруулж ирсэн. Гэтэл нөгөө тал руу эргүүлчихсэн. Илүү ухаалаг сонголт хийхгүй дээ. 2008 оны сонгуулийн хувилбарыг МАН эрх барьж байхдаа оруулж ирсэн. Ямар гашуун түүх дагууллаа. Та бүхэн мэднэ.Зарчмын зөрүүтэй санал оруулж ирэхэд өмнөх бүтээснээ нурааж болохгүй. Сонгогчдын, нийтийн эрх яригдаж байгаа шүү. Ягаад холимтог болчихов.

Д.Тогтохсүрэн: Үндсэн хуульд холимог хувилбар дэмжигдээгүй. Тиймээс л можаритори системээр явуулахаар болсон. Үндсэн хуулийн хүрээнд хийсэн асуудал шүү. Сонгогчдын нэрсийн жагсаалтыг хувилж улс төрийн намуудад өгнө гэсэн заалт унасан. Учир нь хувь хүний нууцтай холбоотой асуудал. Гэтэл үүнийг жагсаалтаар өгөх нь буруу. Сонгогчийн хуруун дээр тэмдэг тавих асуудал байна. Одоо бүх иргэн гарын хурууны хээг бүртгэсэн. Тиймээс давхцсан сонгууль хийх боломжгүй учир хар бэрх ашиглах шаардлагагүй. Тэгээд ч дахиж үйлдвэрлэхээ больсон юм билээ. Тээвэрлэхэд ч хүндрэлтэй.