Барилга, хот байгуулалтын сайд асан З.Баянсэлэнгэд холбогдох хэргийн шүүх хурал Сонгинохайрхан дүүргийн Эрүүгийн хэргийн анхан шатны шүүхэд 14.30 цагт товлогдсон ч хойшиллоо. 

Түүнийг өнгөрсөн хугацаанд шүүхийн үйл ажиллагаанд саад учруулсан гэх үндэслэлээр ШШГЕГ-ын харяа Цагдан хорих 461 дүгээр ангид 30 гаруй хоногоор саатуулаад өнгөрсөн долоо хоногт батлан даалтад гаргасан юм. 

З.Баянсэлэнгэ нь Барилга, хот байгуулалтын сайдаар ажиллаж байхдаа түрээсийн орон сууц хөтөлбөрийг хэрэгжүүлэхдээ эрх мэдэл, албан тушаалын байдлаа урвуулан ашиглаж, улсад 972 сая төгрөгийн хохирол учруулсан байж болзошгүй үндэслэлээр яллагдагчаар татагдсан юм.