НИТХ-ын дарга асан Ц.Сандуй, А.Ганбаатар нарт холбогдох хэрэгт нийслэлийн прокурорын газрааас 2002 оны Эрүүгийн хуулийн тусгай ангийн 82 дугаар зүйлийн 82.1 дэх хэсэгт зааснаар “Төрийн эрх мэдлийг хууль бусаар авах хуйвалдаан зохион байгуулах гэсэн яллах дүгнэлт үйлдэж, шүүхэд шилжүүлсэн билээ. Үүний дагуу хэргийг Баянгол дүүргийн эрүүгийн хэргийн анхан шатны шүүх өнгөрсөн аравдугаар сарын 31-ны өдөр хэлэлцэж, шүүгдэгч тус бүрт нь дөрвөн жилийн хорих ялыг нээлттэй хорих ангид эдлүүлэх шийдвэр гаргасан юм.
Тэгвэл анхан шатны шүүхээс ял сонссон Ц.Сандуй, А.Ганбаатар нар давж заалдах шатны шүүхэд хандсаны дагуу шүүх хурал өнөөдөр Нийслэлийн Эрүүгийн хэргийн давж заалдах шатны шүүхэд болж байна.
Шүүх хуралд шүүгчдэгч Ц.Сандуй, А.Ганбаатар нар цахимаар оролцож байгаа бөгөөд хаалттайгаар үргэлжилж байна. Баттай эх сурвалжийн өгүүлснээр Ц.Сандуй, А.Ганбаатар нар өөрсдийгөө буруугүй гээд анхан шатны шүүхийн шийдвэрийг хүлээн зөвшөөрөхгүй байгаагаа, хэргийг санаатайгаар буруу зүйлчилсэн гэдгийг илэрхийлсэн аж.
Г.Алимаа
Сэтгэгдэл (5)