МИАТ төрийн өмчит хувьцаат компанийн дэд захирал Н.Энхбаатар нь “Энканто таун” хотхонд 400 сая төгрөгөөр байр, “Ланд круйзер-200” маркийн автомашин 160 сая төгрөгөөр авсан. Хөрөнгийн эх үүсвэрийг тайлбарлаж чадаагүй учраас яллах дүгнэлт үйлдэж, шүүхэд шилжүүлэх саналтайгаар прокурорт шилжүүлсэн. Гэвч УЕПГ-аас хэргийг бүхэлд нь хэрэгсэхгүй болгосон гэх мэдээлэл цацагдсан билээ.

Тэгвэл энэ талаар эх сурвалжаас тодруулахад "Н.Энхбаатарт холбогдох хэргийг хэрэгсэхгүй болгоогүй.

Харин нэмэлт мөрдөн шалгах ажиллагаа хийлгэхээр хэргийг буцаасан. Учир нь үндэслэлгүй хөрөнгөжсөн гэдэг бүрэн тогтоогдохгүй байна. “Энканто таун” хотхонд 400 сая төгрөгөөр байр, “Ланд круйзер-200” маркийн автомашин 160 сая төгрөгөөр авсан гэх мэдээллийг нягталж үзэхэд орон сууцаа 8 хувийн зээлээр авсан, автомашинаа мөн зээлээр аваад дараа нь буцаасан баримтыг гаргаж ирсэн. Тиймээс дахин шалгуулахаар яллах дүгнэлтийг хүчингүй болгож, хэргийг буцаасан" гэлээ.

Н.Энхбаатарын хувьд Ерөнхий сайд У.Хүрэлсүхийг Шадар сайдаар ажилллаж байхад нь туслахаар нь ажиллаж байсан. Дараа нь МИАТ компанийн дэд захирлаар очсны дараахан нь У.Хүрэлсүх Ерөнхий сайдад өрсөлдсөн. Ерөнхий сайдын марафонд унагахын тулд Н.Энхбаатарын талаар худал мэдээлэл хүргүүлж, хуулийн байгууллагаар шалгуулсан. Гэвч эцэстээ энэ нь нотлогдож байгаа нь энэ гэдгийг мөн өөр эх сурвалж хэлсэн юм. 

Г.Нацаг