Тээврийн цагдаагийн албаны Жижүүрийн шуурхай удирдлагын хэлтэс энэ сарын 6-ны өдөр нийт 205 дуудлага мэдээлэл хүлээн авснаас 152-н зам тээврийн ослын шинжтэй дуудлага мэдээлэл бүртгэгдсэн байна.
Бүртгэгдсэн зам тээврийн ослын улмаас 3 хүн гэмтэж бэртсэн бол ноцтой зам тээврийн ослын улмаас орон нутагт 1 хүний амь нас хохирчээ.
Тодруулбал, Дундговь аймгийн Адаацаг сумын 4-р баг “Улаан-уул” гэх газар /Сумын төвөөс зүүн тийш 7км-т/ шороон замд Dayun маркийн мотоцикл онхолдож, жолооч 33 настай, эрэгтэй, Ж нас баржээ.
Мөн Тээврийн цагдаагийн алба хаагчдын хяналт шалгалтын үеэр согтуугаар тээврийн хэрэгсэл жолоодсон 10 жолоочийг илрүүлж хуулийн дагуу хариуцлага тооцжээ..
