Нийгмийн даатгалын ерөнхий газрын дарга асан Ц.Уртнасан, Ардчилсан намын санхүүгийн албанд ажиллаж байсан Чулуунчимэг нарыг Авлигатай тэмцэх газраас саатуулан 461 дүгээр ангид цагдан хорьжээ. Ц.Уртнасан нь АН-ын дарга С.Эрдэнийг Хөдөлмөр, нийгмийн хамгааллын сайд байхад тус газрын даргаар ажиллаж байсан билээ.
С.Эрдэнэ 2012 онд Хүн амын хөгжил, нийгмийн хамгааллын сайдаар очсоныхоо дараа тушаал гаргаж, Нийгмийн даатгалын ерөнхий газрын дарга Ч.Алтанхуягийг үүрэгт ажлаас нь чөлөөлж, оронд нь Ц.Уртнасанг томилсон байдаг. Үүнээс өмнө Ц.Уртнасан нь Нийгмийн даатгалын ерөнхий газрын дэд даргын албан тушаалыг хашиж байсан юм.
Тэрбээр АН-ын Хүн амын хөгжил, хөдөлмөр нийгмийн хамгааллын бодлогын зөвлөлийн даргаар ажилладаг. Түүнийг цагдан хорих үндэслэл нь албан тушаал, эрх мэдлээ урвуулан ашигласан хэрэгт холбогдуулсан бололтой.
Сэтгэгдэл (14)