Баянгол дүүргийн 17-р хорооны оршин суугч Х.Нямсүрэн шүүхэд баярласан сэтгэгдлээ илэрхийлжээ. Тэрбээр "Миний бие 2015 онд Баянгол дүүрэгт байрлах өөрийн эзэмшлийн 4 өрөө орон сууцаа Банк бус санхүүгийн байгууллагад барьцаалан мөнгийг нь виз гаргаж өгнө гэж хэлсэн үгэнд нь итгэж З.Ширнэн гэдэг хүнд өгсөн. Гэтэл тэр хүн зээлсэн мөнгөө өгөхгүй байсаар миний байр зарагдаж би орон гэргүй олон жил маш хүнд байдалд байсан. З.Ширнэн надад удаа дараа худал амлаж сүүлдээ оршин суух хаягтаа амьдрахгүй, утас нь холбогдохгүй болсон. Цагдаагийн байгууллагад хандаж олон жил чирэгдэж, хууль хяналтын байгууллагад итгэл алдаж явсан. Түүнд холбогдох Эрүүгийн хэрэг хэрэгсэхгүй болсон тул би иргэний журмаар хохирлоо барагдуулах болж иргэний шүүхэд нэхэмжлэл гаргасан. Миний энэхүү хэрэг маргааныг үнэн зөвийг нь олж, шударга шийдвэрлэж өгсөнд Хан-Уул дүүргийн Иргэний хэргийн анхан шатны шүүхийн шүүгч нарт туйлын их баярлаж байна” гэжээ.

БАЯНГОЛ, ХАН-УУЛ ДҮҮРГИЙН ИРГЭНИЙ ХЭРГИЙН

АНХАН ШАТНЫ ШҮҮХИЙН ТАМГЫН ГАЗАР