Хэрэг нь шүүхэд шилжсэн ч гэм бурууг нь хэлэлцэж амжилгүй удаа дараа хойшилсон хэргийн жагсаалтыг Барилга хот байгуулалтын сайд асан З.Баянсэлэнгэ нарт холбогдох хэрэг өнгөлдөг гэхэд хилсдэхгүй.
Хэргийн шүүх хурал товлогдоход шүүгч, шүүхээс, өмгөөлөгчөөс татгалзах замаар удаа дараа хойшилж ирсэн уг шүүх хуралдаан өнгөрсөн нэгдүгээр сард товлогдсон ч улсын яллагч өвчтэй гэх шалтгаанаар хойшлогдоод байсан. БХБ-ын сайдаар ажиллаж байхдаа "Бэрэн" группийн "Хангай" хотхоны орон сууцнаас 123 айлын орон сууцыг тендер зарлалгүй, шууд худалдан авч, улсад 972.4 сая төгрөгийн хохирол учруулсан гэх хэрэгт холбогдоод байгаа түүнд холбогдох хэргийн шүүх хурал энэ сарын 4-нд болох гэж байна.
Хэрвээ энэ сарын 4-нд болох шүүх хурал дахиад хойшилбол УИХ-ын 2020 оны ээлжит сонгууль болохоос өмнө шийдэгдэх эсэх нь бүрхэг болох нь дамжиггүй.
Ташрамд дурдахад, прокуророос З.Баянсэлэнгэ нарт холбогдуулан 2002 оны Эрүүгийн хуулийн ерөнхий ангийн 263 дугаар зүйлийн 2 дахь хэсэг Төрийн албан тушаалтан албаны эрх мэдэл буюу албан тушаалын байдлаа урвуулах, Эрүүгийн хуулийн тусгай ангийн 22.5 дугаар зүйлийн 3 дахь хэсэгт зааснаар хахуул өгөх гэмт хэрэгт холбогдуулан яллах дүгнэлт үйлдэн ирүүлсэн билээ.
Г.Маргад
Сэтгэгдэл (2)