Монгол Улсын иргэн Д нь БНСУ-д амиа алдсан хэрэг энэ сарын 8-наас 9-нд шилжих шөнө гарчээ. Талийгаач 50 настай бөгөөд цогцсыг нь тариалангийн талбайд булсан байхад нь цагдаагийнхан олсон байна.  

Амиа алдсан иргэн нь тус улсад ажиллахаар нэг сарын өмнө очсон боловч төд удалгүй сураггүй алга болсон учир хохирогчийн зээ дүү цагдаагийн байгууллагаад эрэн сурвалжлах хүсэлт гаргасан аж. 

Эрэн хайх ажиллагааны явцад  Санжү хотын тариалангийн талбайгаас талийгаачийн цогцсыг газарт булсан байхад нь олжээ. Одоогийн байдлаар сэжигтнийг баривчилсан бөгөөд эхний мэдүүлгээр талийгаачтай мууцалцаж, хоолойг нь хэрчиж, улмаар газарт булснаа хүлээсэн байна.