Шинэ төрлийн коронавирусний шинж тэмдэг Франц Улсын иргэнээс илэрсэн билээ.Тухайн иргэн нь энэ сарын 2-нд Монголд ирсэн бөгөөд түүнтэй хамт нэг нислэгээр 120 хүн ирсэн байна. Тэр дундаа Дэлхийн эрүүл мэндийн байгууллагын төлөөлөгч нар хамт ирсэн гэх бөгөөд Монголд ирсэн даруйдаа Дархан, Эрдэнэт зэрэг газруудад сургалт хийхээр явжээ. Гэвч дээрх гаднын төлөөлөгч нар амны хаалт зүүлгүйгээр олон хүн цугларсан газраар үйлчлүүлж, сургалт хийсэн талаар Дархан хотын мэдээ нэвтрүүлгээр мэдээлжээ.
Уг мэдээлэлд "Монголчууд COVID-19-өөс урьдчилан сэргийлэх зөвлөмжийг олон нийтэд хүргэхээр ирсэн ДЭМБ-ын төлөөлөгч нар Дарханд ажиллах үеэрээ нэг ч удаа амны хаалт зүүсэнгүй. Эдгээр иргэд нь халдвар голомтлон гарч байгаа хилийн бүсүүдэд ажиллаж байгаад ирсэн. Мөн төрөлх нутагт нь халдвар олноор гарсан. Гэсэн атлаа Монголд ирээд амны хаалт зүүсэнгүй. Угтаа бол эрүүл мэндийн байгууллага амны хаалт зүүгээгүй иргэдэд үйлчлэхгүй байхыг анхааруулсан. Гэвч ДЭМБ-ын төлөөлөгч нар энэ анхааруулгыг тоосонгүй" гэсэн байна.
ДЭМБ-ын төлөөлөгч нар хөдөө орон нутагт сургалт хийж байх үед тусгаарлах арга хэмжээ авсан байна. Шинэ төрлийн коронавирусээс урьдчилан сэргийлэх зөвлөмжийг ДЭМБ-аас цаг алдалгүй гаргаж байгаа. Гэтэл алба хаагчид нь энэ зөвлөмжөө биелүүлээгүй халдварын эрсдэл хөдөө орон нутагт гарах эрсдэлийг улам нэмэгдүүллээ. Учир нь дээр хэлсэнчлэн ДЭМБ-ын төлөөлөгч нартай хамт Франц улсын иргэн нэг онгоцоор ирсэн. Хэдийгээр халдварыг баталгаажуулахаар ажиллаж байгаа ч эхний шинжилгээгээр халдвартай гэсэн хариу гарсан юм.
Сэтгэгдэл (81)