Нийслэлийн Прокурорын газраас энэ оны нэгдүгээр улиралд мөрдөн шалгах ажиллагаа явуулсан хэрэгт хяналт тавьж, яллах дүгнэлттэйгээр шүүхэд хүргүүлсэн хэргийн талаар мэдээлэл хийлээ.
Энэ үеэр “НПГ-аас улсын хэмжээнд мөрдөн шалгах хэмжээ явуулдаг зургаан байгууллагын шалгасан хэрэгт хяналт тавьдаг. Энэ оны нэгдүгээр улиралд АТГ-ын 386, ТЕГ-ын 54, ЦЕГ-ын 155, Эрүүгийн цагдаагийн газрын 144, Зохион байгууллатттай гэмт хэргээс шалгасан 46, АТГ, цагдаа, тагнуулын хамтарсан 27 нийт 1318 хэрэгт мөрдөн шалгах ажиллагаа явуулсныг хяналаа.
Эдгээрээс 346 хэрэгт мөрдөн байцаалтын ажиллагаа явуулж 110 хэрэгт яллах дүгнэлт үйлдсэн. Авлигын гэмт хэргийн 25, мансууруулах эм сэтгэцэт нөлөөт бодисыг хууль бусаар ашигласан 55 хэргийг тус тус шилжүүллээ. Залуучууд болон өсвөр насныхны дунд мансууруулах бодис хэрэглэх явдал их байна. Ирээдүй хойч үеэ хамгаалахад төр засаг олон нийт онцгой үүрэгтэй ажиллах хэрэгтэй байна.
Эрдэнэт үйлдвэрийн 49 хувийг хууль бусаар бусдад шилжүүлсэн хэргээр шалгагдаж байсан Г.Золжаргал нарт холбогдох хэрэгт яллах дүгнэлт үйлдэж, шүүхэд шилжүүлсэн. УИХ-ын гишүүн Г.Солтан, Д.Дамба-Очир нар ЖДҮ-ээс эрх мэдлээ ашиглан хямд хүүтэй зээл авсан хэрэгт яллах дүгнэлт үйлдсэн. Гэм буруутай эсэхийг шүүх эцэслэн шийдэх учиртай. Харин УИХ-ын гишүүн Г.Ундармаа, Л.Энхболд нарт холбогдох хэргийн мөрдөн байцаах ажиллагаа дуусаагүй байна. Ерөнхийлөгч асан Ц.Элбэгдоржид холбогдох хэргийн мөрдөн шалгах ажиллагаа үргэлжилж байгаа” гэлээ.
Б.Лхам
Сэтгэгдэл (1)