Зам тээврийн яамны байранд гарсан хүн амины хэргийн шүүгдэгч Б.Махбалд холбогдох хэргийн шүүх хурал өнөөдөр Сүхбаатар дүүргийн Эрүүгийн хэргийн анхан шатны шүүхэд тоологдсон байсан юм. Гэвч улсын яллагч хэргийн материалтай танилцах хүсэлт гаргасан, шүүгдэгчийн өмгөөлөгч нь эрүүл мэндийн шалтгааны улмаас шүүх хуралдааныг хойшлуулах хүсэлт ирүүлсэн, хохирогчийн хууль ёсны төлөөлөгч нэмж шинээр өмгөөлөгч авах хүсэлт гаргасан зэрэг шалтгааны улмаас шүүх хурал 10 дахь удаагаа хойшилооо. Шүүх хуралдааныг ирэх тавдугаар сарын 8-ны 09.00 цагт болохоор товлогдлоо.

Шүүгдэгч Б.Махбалд нийслэлийн Прокурорын газраас  Эрүүгийн хуулийн тусгай ангийн 10.1 дүгээр зүйлийн хоёр дахь хэсгийн 2.1 дэх хэсэг буюу онц хэрцгийгээр хүний амь нас хөнөөсөн гэх зүйлчлэлээр хоёрдугаар сарын 11-ний өдөр яллах дүгнэлт үйлдэж, Сүхбаатар дүүргийн Эрүүгийн хэргийн анхан шатны шүүхэд шилжүүлсэн юм.